MASS Bar & Restaurant (已結業)

總算是齊人的一晚，說好的啤酒之夜，今晚終于能實現了。MASS Bar像擁有了世界上大多數的啤酒，種類和口味多不勝數。要從中選擇一款，也花了不少時間。最後請教店員 只要你告訴他們你的喜好 他們便會為你推介幾款我選擇了MAC's $60來自紐西蘭的啤酒 味道香甜 非常易入口 女生一定會喜歡先來一個黑松露芝士薯條 $78薯條烤得香脆 薯肉飽滿 非常厚身 吃的時候芝士能拉絲 非常足料而黑松露和芝士比例完美 配啤酒一流喝啤酒時少不了搭配串燒 我叫了2款 雞脾菇$16和牛肋骨$38雞脾菇真的超級好吃烤得剛剛好 外皮香味足夠 菇肉又保持水分和鮮嫩上面撒的辣椒粉和調味料 香口惹味 非常好吃牛肋骨也是烤得非常滋味 牛肉鮮嫩 不油不膩調味不會過咸 油脂分泌均勻 keep住口感不知是否心情好的緣故 我的胃口也跟著大開 雖説是啤酒之夜 但這裏有好多吸引的食物我叫了個主食 黑松露野菌意粉 $98意粉煮得功夫到家 煙靭度拿捏得非常好野菌的香味撲鼻 隱約帶著黑松露的香氣 上面還撒上芝士在任何時候任何環境 黑松露配芝士總能俘虜我的心開心的啤酒之夜 cheers~

星期一既夜晚，絕對需要一個地方放鬆，迎接接踵而來的工作天s 銅鑼灣既美食太多，我地決定左去一個遠離市區些少既清吧，有輕音樂放鬆心情，又唔會有多太人聲影響我地傾計 餐廳只有兩版，滿集的野食令人花多眼亂，決定不想太多，直接聽從店員的推介 除左以下呢杯酒Golden Dream ($60)A cocktail with Mango, OJ, Baileys, Adcocaat, Vodka.睇佢ingredients會以為佢係杯好黃好甜既酒。原來最後溝出黎隻色係淡黃色，而飲落都無想像中咁甜。不過酒精同其他飲料既比例做得幾好，少少果甜，少少酒香，適合唔喜歡甜酒既朋友一試 雞脾菇 ($16)、煙肉車里茄 ($18)用串燒做頭盤 先食一食煙肉車里茄！調味粉均勻的灑滿成份串燒，令本來燒得好香既煙肉燒更加香；車里茄夠鮮甜同juicy，平衡番串燒熱氣既感覺 雞脾菇燒得好均勻，而且燒得恰到好處，令到佢香得黎亦keep到多汁同fresh 雞中翼 ($20)、雞軟骨 ($16) 我最鍾意食既串燒－－雞中翼同雞軟骨！雞中翼外皮香脆，內裡燒得全熟無血色，但肉質保持到鮮嫩 雞軟骨香口又爽口，值得

今晚由朋友帶路，到了這個離地鐵站大約十五分鐘路程的餐廳搵食。這是一間bar ，酒和小食的選擇很多，特別在這裡也有串燒可以食。星期一的晚上，人不多，大概是因為blue Monday，所以不用等也有位。 一坐下，店員就問我們飲什麼，不勝酒力的我也膽粗粗要了一杯 hazel cream ($60)，看到又有Bailey 又有cream ，應該很易入口。不過原來酒精濃度應該頗高，飲了三份一杯已經不太受得到。先送上伴酒蝦條，很脆卜卜，不過有點咸。接下來先上串燒類的，先來是雞脾菇和煙肉車厘茄。雞脾菇界開了一格格的，令它快一點熟，不會外面熟了，但內裡還是生的，雖然界開了來燒，但菇的汁並沒有流失。菇用上了七味粉和帶有豉酒味的燒汁調味，雖不會太咸，但對我來說有點辣。同樣用了七味粉調味，煙肉不會太油淋淋的，燒得乾身又不硬，咬一下，車厘茄的汁已經流出來。蔬菜類的燒物，中和了肉的肥濟感。又是用了七味粉調味的翠肉瓜燒得剛好，瓜夠軟身、juicy 。雞翼比平時的大隻、肥美，雞皮不會太焦，雖然雞皮不脆，但一咬下去，雞肉汁已經順著叉流出來。炸雞軟骨略微焦了一點，不過不失。這個黑松露芝士薯條是我最喜歡的一個小

Mass bar夜晚放工飲野，多數都係去開中環，不過，近期聽朋友講，位於銅鑼灣嘅喱間bar好掂，緊係即刻就拉大隊去踩一踩個場啦。 喱度嘅裝修同一般清bar差唔多，感覺都幾grand幾喱度標榜係一間bar & restaurant ，飲酒之於仲有好多唔同嘅食物提供嫁。 除左啤酒，我地仲叫左黑松露芝士薯條、串燒同春卷。 咁多樣野入面，最強烈推介薯條呀！熱辣辣炸到又香又脆，有薯仔味。芝士多到好似熔漿咁，上面仲bake到蕉蕉地，好香口。配埋味道強烈嘅黑松露，鹹鹹香香咁，岩哂送啤酒啦👍🏻👍🏻👍🏻。串燒方面，我就覺得燒牛舌係最正嘅。佢係非常厚切嘅牛舌，而烹調嘅火喉掌握得好好，夠淋夠香夠juicy，一咬落去爆哂牛嘅精華出黎，大推呀。整體而言，喱度提供嘅食物，質素比起出面大部分嘅酒吧都高，而酒精飲品嘅選擇又多，未黎過嘅真係可以考慮下喱度嫁。

今日同朋友相約係銅鑼灣嘅一間酒吧度相會，酒吧位於伊利沙伯體育館附近。面對一條馬路同公園，望起黎毫不起眼，正當我同朋友講，其實我好肚餓不如搵d野食先，佢同我講呢度都有得食野架。原來，mass bar夜晚七點後，就會開放廚房，有熟食供應，不過我地去到只係六點幾，所以先點左飲品談心。望住個Menu，飲品種類奇多，原來酒吧入邊有超過150種啤酒，好適合酒鬼。12個生啤柱，出面都唔係成日有。雪櫃內陳列不同款式嘅啤酒經店員推介揀咗呢款酒，入口啤酒味不太重，比較甜，好容易飲，因為感覺好少酒精，又大杯，飲足全晚。飲啤酒當然要食小食啦，蝦條夠晒脆。眨吓眼就到七點鐘，店員遞上熟食Menu，雖然唔算好多種類，但都夠晒我哋醫肚。厚切豬頸肉 $32好厚喎，豬頸肉入口好爽口，脂肪同肉質比例均勻，咬落豬頸肉既肉汁會慢慢滲出，非常Juicy。燒雞脾菇 $16雞脾菇本身冇乜味，不過呢度落左好多椒鹽黎燒，令到平平無期既雞脾菇變得惹味，咬落口雞脾菇d汁都仍然保持到。煙肉荔枝 $18荔枝大細又多汁，入口荔枝汁泌出黎，非常清甜，煙肉燒至微脆，咸+甜2種味道混埋都幾清新，中和哂燒烤既肥膩感。黑松露芝士薯條 $78面頭已經見到好多

銅鑼灣都食過好多餐廳，今日朋友話想飲下酒，就提議去酒吧。酒吧本身自己都唔太熟，咁就跟佢帶路，去左都幾少人去既地方 ...... 無論餐廳內外都係酒吧格局，吧枱可以見面擺滿上百枝各種各樣既酒，真係嘆為觀止。 坐低淨係見到drink menu已經多到嚇親，先點左枝自己都唔係好識既 Alska。揀左荔枝加梨味，酒味唔重，帶少甜，即使我唔係飲開酒都鐘意飲。 飲飲下大家都開始想食野，因為始終岩岩放工，都想食下野。問問店員原來佢地有個food menu，都好多野食揀，真係估唔到。 煙肉荔枝，荔枝多汁，煙肉好淋又易咬。因為平時食開既煙肉太乾身又硬，今次除左煙肉整得夠淋，加左荔枝又減輕左煙肉乾身既感覺。 黑松露芝士薯條，濃郁芝士同黑松露，從外觀上已經可以睇到好多黑松露同埋芝士。食既時候完全唔需要任何醬汁已經好好食。 串燒豬頸肉，啖啖肉，豬頸肉厚身，但唔會咬唔開。燒之前落足調味，所以燒完之後非常入味。 串燒雞脾菇，好大隻既雞脾菇，而且有兩件，真係幾抵食。雖然雞脾菇燒過，但係咬落去仍然感覺到佢係好多汁。 墨西哥粟米片，之前係其他餐廳食過係將粟米片上面既三種醬撈埋

灣仔常常途經的街道，今晚帶同好姊妹到來食個便飯。 有酒飲又有得傾談的地方，這裡確實不錯選擇！總共有150款的酒類供應，總有一款適合你飲用！ 我點了alska fruit cider-Peach & Raspberry!味道甜甜的易入口，而且酒精濃度不算太高。而且店員遞上大碗蝦條，可無限量添食；的確是送酒的良拌！ 我們一共點了四款小食及三款主食。厚切豬頸肉 $32，厚切豬頸肉猶如豬扒一般大件；味道微辣超肥美而且燒得恰到好處，沒有過火！ 雞脾菇 $16，雞脾菇本身無味但廚師加上七味粉，未到立即突出又惹味！ 煙肉荔枝 $18, 煙肉荔枝配搭味道一絕；荔枝清甜可口多汁，配上煙肉燒香更有咬口及滋味！ 手制肉丸pizza $108，肉丸Pizza一共有六塊！薄薄的pizza 皮，易入口不會太膩！內含BBQ醬汁，令到Pizza的味道立即昇華更加惹味。Pizza的材料十足肉丸頗多，非常抵食又美味！ 黑松露芝士薯條 $78，芝士黑松露薯條已經不是第一次吃；但此店的薯條脆口及車打芝士經過焗製添加少許鹽更加豐富！最重要是黑松露味道超出眾，令人想添食多

我經常行過呢間酒吧, 樓上有酒店, 酒吧裝修得好有英國品味, 傢俬主要以深色木質為主, 客人有外國人和本地人,今天剛有空, 和朋友入去飲杯試試看.  先找到座位座下, 真 relax  門前對著公園, 清風飄送,格調非常之優雅. 是放工後輕鬆一下的好去處. 呢間酒吧最出名就是有好多由世界各地入口嘅啤酒, 和香港釀製的本地啤酒，我們想試的是 '華花' 但店員話呢隻啤酒已經唔再代理, 問我們要否推介.酒牌資料太廣, 品種無數使人難以決擇.我唯有選了我喜歡嘅黑啤,健力士黑啤,我朋友就揀咗一隻士多啤梨啤酒.黑啤有佢嘅傳統嘅苦澀, 令我飲咗之後, 精神哂, 又覺得食慾大增. , 朋友選的比較溫和, 像 cocktail.配來送酒的脆蝦條, 可以一面飲一面吃, 再談天說地, 吹吹水.肚餓了, 急不急待看餐牌, 先選主菜醫肚, 朋友和我同意選德國香腸拼盤, 不到 15分鐘店員送來香噴噴的香腸拼盤, 伴有薯條, 生菜,火箭菜,沙律醬.  香腸有黑椒同埋甜介辣調味, 好吃.再叫了煙肉荔枝卷, 此串燒好特別,  我從未試過煙肉可以同埋荔枝一起食,煙肉有佢嘅獨特鹹味, 表面洒上黑椒,滋味有咸有辣, 中心

今午去了灣仔会展看 Fashion Week, 六点和朋友一同離開, 今晚天氣較冷，如果甘早回家更覺凍。 決定和朋友一起碰碰杯, 談談今天見到的展品看法.去得蘭桂坊蒲多, 行近的去銅鑼灣好了. 結果鎖好目標, 選了 Mass Bar & Restaurant, 摩理臣山道的酒吧餐廳, 交通方便, 地區沒蘭桂坊繁雜, 店外馬路闊不多行車. 樓上有酒店, 因此外國客人也不少.店內陳設不錯, 搭配漆紅色的木桌椅, 有高枱, bar枱, sofa任你選擇, 環境清潔，有空間感！ 酒客至愛的數百種啤酒放於大型酒櫃，酒客們一定可以勝完再勝. 大电視播放不同節目,可以一邊飲酒, 一邊 Enjoy!服務員很好，我們坐下即介紹飲品, 又了解下我們的口味, 再作推介，酒類品種多, 一般 $60- 我覺得價錢平過其他酒吧，抵飲,我選了Fruli. Strawberry beer. 有士多啤厘味道。比cocktail 仲好飲, 又夠凍!!! 真無介紹錯, 飲落好舒服，好香，色澤都好靚.朋友就叫左Guinness. 入口有微苦澀味, 但再飲感覺不錯, 酒精味唔强, 大家一齊開心share, 碰碰杯!服務員先送來

揀得酒吧，司令一心係想同朋友仔摸住酒杯底談談心，響隊返兩杯既同時，當然要叫啲小食黎搭配下。點知當第一份小食放上枱之後，司令個心就飛左落啲好西到，對手掛住有叉用，而忘記左酒杯底lu～ 首先係〈黑松露芝士炸薯條〉嘩嘩嘩，呢份薯條真係不得了！一聞：香味濃！一叉：厚度足！一食：Oh my god！份薯條好好味呀！黑松露響口中爆發香味，芝士非常濃郁而且咸味適中，薯條粗得黎仍然夠脆，正呀！ 然後係三款串燒〈雞髀菇〉〈牛舌〉〈牛柳粒〉過往食串燒，會覺得款款都用差不多既調味，但呢間就完全唔同喇～一辣、一甜、一咸！辣味既係厚過塊雞髀既雞髀菇，充滿燒烤既焦香味但依然好Juicy！而件牛舌，一樣係厚厚實實，表面粗獷既佢，原來內裡好柔軟。加上用左蜜汁醃制，成個左就好似食緊綿綿密密既豬頸肉！最後係牛柳粒，簡單既咸味，突顯左肉質既鮮美，油脂分泌亦岩岩好！呢三款串燒，絕對令司令為之一振！ 最後當然要講下酒啦～司令叫左杯名為〈So Sad〉既Cocktail。有檸檬、薄荷酒etc. 當中既微酸完全中和了全餐帶來既油脂，好fresh好醒神～ 餐廳既環境亦好

MASS BAR位於銅鑼灣太平洋帆船酒店地下。從門口已經看到排列整齊的啤酒，各式各樣，目不暇給。華花大概是那次喝過手工啤酒後就愛上了，所以今晚就由一支名字富本港色彩的華花打開序幕。以自家食譜，於德國啤酒廠釀製，釀好後才運往香港。一共有四款口味，分別以新界、華花、黑龍、九龍等命名，看到中文名字份外有親切感。華花啤酒麥味較重，帶有花香，我特別喜歡上面寫著「甘苦與共 幸福一生」這幾個字，試想著與你最愛的人一起把幸福喝下，這件事是多麼美好。old rasputin russian imperial stout這支Old Rasputin入口感到醇厚，起初入口微苦澀，但後來慢慢滲透出黑咖啡及黑朱古力味，我喝手工啤酒的日子尚淺，但漸漸地我也愛上了黑啤。黑松露芝士薯條喝了兩支有點不勝酒力，是時候吃些食物中場休息。炸過的薯條熱騰騰的，每條都沾滿了黑松露芝士，香脆可口，令人吃不停口，推介。長島冰茶對長島冰茶最印象深刻應該是可惜我是水瓶座，今晚就喝下去換半晚安睡。由五種烈酒(Vodka, Tequila, Rum, Gin, Orange liqueur)及可樂混製而成，起初喝下去就喝到甜甜的可樂味道，但

今晚約朋友去飲下酒傾下計，其實本身都唔知去邊間好直至見到呢間門口個酒櫃，酒類多都數唔到，點睇都係正野所以決定入去！一入去見到空間都幾大，揀好個靚位就坐低左除左門口見到有多款酒類，入到黎都見到呢個連環12個生啤柱之前去咁多間都無多選擇到咁，搞到同朋友揀左好耐先揀好飲咩而我地所揀既靚位就當然係電視位啦，朋友係足球迷，而呢間有NowTV直播英超，朋友見到好興奮，聽店員講呢個裝修係最近先裝修好，我地好好運氣！坐低就有蝦條食，睇住電視傾下計唔覺唔覺就食哂啦先嗌啤酒，嗌左Mac's($60)同Kirin($50)兩杯都超大杯，相當抵飲，前者麥味重d而後者係清清地，相當易入口，好岩女仔飲煙肉荔枝($18)，嗌左一d串燒食，呢個好特別，平時係出面都唔會成日見到，荔枝好大粒，而且好清甜，外面既煙肉香脆，一咬開荔枝既肉汁係口入面爆哂出黎，同煙肉既鹹味幾夾串燒豬仔脾($28)，呢個豬仔脾同雞脾唔同架，肉質更加爽口d，而汁咬開超多肉汁，外層有蜜糖，幾香。黑松露芝士薯條($78)，薯條係送酒良伴之一，熱辣辣既芝士薯條吉起一條薯條可以拉絲，重點係大量既黑松露，未食已經聞到好香，放入口黑松露既味道已經佈滿成個口腔，

第一次和朋友來銅鑼灣的酒吧飲酒，平常都是在尖沙咀等比較普通的清吧地方，今次竟然發掘到一家比較特別的位於酒店樓下的酒吧！位於銅鑼灣既一間清吧，有英超睇，酒類仲非常多，淨係生啤都有排你揀，吧枱個串野有12隻生啤。無論係靜靜地girls talk定1個人失戀飲悶酒，定成班兄弟黎睇波，都一樣冇問題。店員一招呼我們坐下，就送上一大碗蝦條，吃完還能無限refill，真係送酒良伴樽裝Palm（$70）比較濃，送埋無限refill既蝦條，吹水到天明rouge是車厘子口味的啤酒，講真入口有人工的味道，有點像藥水，不是我的茶Kirin（$50/pint）清清地的日本牌子，好易入口又抵飲不想光飲那麼悶，不妨加埋徳國香腸拼盤（$168），份量都幾多，還配了好多薯條，可以沾旁邊配的醬（但我不知道是什麼醬）。而德國腸好似有兩種種類，外皮脆口，質素酒吧來說已經非常好了黑松露薯條的黑松露並不是散落的一點點，而是把一大pat的黑松露醬放在一邊，由客人自己沾上，喜多喜少悉隨尊便。不過我不喜歡沾得太多，否則松露香會搶過芝士和薯條的味道。芝士拉得起絲，薯條趁熱食。

一年前，有個朋友在銅鑼灣vela hotel工作，嗰時佢推介我同女朋友去食佢哋酒店的西班牙餐廳，食過一次都覺得幾好味，於是乎就想同女朋友再一次去食呢間西班牙餐廳，點知原來佢已經變咗一間酒吧。咁既然一場黎到，咁就試吓呢間酒吧啲酒同美食啦！呢間吧環境都算開揚，最緊要梗係有波睇啊。雖然果晚冇直播賽事，播緊車仔同熱刺場波，但總算又比我發掘到多一個同爸打睇波嘅好地方！黎到bar就一定要飲啤酒la, 個店員首先介紹左我飲一隻Samuel Adams 既IPA, 飲緊個時候望下menu先知原來依度有好多手工啤酒，有成二百幾款咁多，個Menu真係花多眼亂！女朋友肚餓，所以叫咗嘢食先！飲啤酒就梗係搵啲嘢送酒啦，所以我叫左啲串燒同埋芝士黑松露薯條（$78）。串燒我叫左個黑椒煙鴨胸（$48）， 牛肋骨（$38），大紅腸（$38）同牛舌（$38）。啲串燒燒得啱啱好，冇過到火候，加左啲香料，幾香口吓！飲完杯IPA, 就梗係要試吓啲手工啤酒。叫咗支華花，支酒好有花嘅香味，感覺好清新好易入口！食完啲串燒，都係唔夠飽，同女朋友叫咗一個夏威夷pizza。個pizza一般般，冇乜特色，都係志在用嚟填飽個肚。呢間bar睇波

近年才有機會初嚐hoegaarden，一試便愛上，到近期更加愛飲1664，原來除左生力、青島、百威外，啤酒可以係咁多種口味，咁精彩。所以今晚約了一個朋友去一間啤酒種類繁嘅酒吧，一齊試過夠本。MASS BAR位於銅鑼灣太平洋帆船酒店地下，呢度自成一角，旺中帶靜，大門口開揚嘅設計感覺好輕鬆、一點都唔覺局促，店內仲有NOW TV直播英超，約埋三五知己嚟睇波真係一樂也。只看門口嘅啤酒陣容就已經目不暇，售賣各式各樣嘅啤酒，款式之多真係唔知幾時先可以試勻晒。另一個亮點就係吧位嘅12個生啤柱，陣容強勁，岩晒愛飲生啤嘅朋友。閒日七點幾到達時間尚早，所以客人不算多，有幾枱客人都係外籍人士，我兩可以靜靜傾下計飲下啤酒。淨係睇張餐牌已經嚇親我地，有咁多選擇，真係唔知點揀好呀，Red wine,white wine, draught beer (Japan, France, Germany, Irish, USA,UK, New Zealand), ,Craft Beer, Premium English Ale,  超多款Bottle Beer....最後我地揀左有果味嘅酒開始先。友人試了呢枝Lindema