好煮意 (已搬遷) 新店位置

係上水粉嶺區居住或者工作的人都知道，上水粉嶺基本上出色的小店係小之又小，呢間小店每次經過都有陣幾香濃的醉雞味，所以今日lunch去試一試。我地一行四人都係清一色叫招牌藥膳醉雞麵，講真，小店都唔好預期座位會太好坐，但呢樣野我都接受到，算係小店風味的一種。碗麵上嚟，我先呷一淡湯，感覺良好，但藥膳冇想像中咁濃，甚至有d食唔出有藥膳，但酒味係幾濃的。因此我覺得係同出面的醉雞藥膳有另一種唔同的食法，我比較欣賞的係豉油，有辣味同唔辣揀。我點左辣味，個豉油味幾正。至於雞肉，幾十蚊的麵，不能太要求，正正常常啦。係上水嚟講，我覺得間鋪都ok的，因為上水難食的鋪比較多