鮨一魂 (已結業)

好少係香港食omakase，咁岩去crowne plaza staycation就試下喺入面嘅omakase，我地試嘅喺lunch sakura set $880/位，有前菜、刺身、十件壽司，玉子燒、味噌湯同甜品。 .前菜響螺好新鮮好甜，口感爽脆得嚟有咬口，絕對唔係出面幾十蚊乾身嗰啲🤤 .鰹魚刺身脂肪較少，口感爽口清新，非常開胃，通常都喺食炙燒過會有煙熏味，呢到刺身做法新體驗，都容易入口唔會太腥🌟 .壽司有十款，呢幾款都幾好食🍣赤身同中吞拿魚腩壽司都非常出色，比起平時食到嘅中吞更粉紅，脂肪分佈平均唔會有筋，個人喜歡簡單嘅調味比較食到新鮮嘅魚味。 .🐟北寄貝壽司當然唔會喺出面紅色熟嘅，真係魚生嘅灰色，肉質爽口，鮮甜多汁，師傅話底部有炙燒過，更能帶出北寄貝嘅香氣。 .🎎真鯛壽司我平時都幾中意食~出面難免都會食到唔夠新鮮嘅，佢嘅真鯛好清甜，肉質柔軟得嚟唔喺梅嗰隻，仲有紫蘇葉喺中間增添風味，冇唸過咁夾！鯖魚卷肉質厚實得黎嫩滑，油脂特別豐潤，脂香重。