影片
更多
2021-04-25
504 瀏覽
❀ 麗豪酒店濠餐廳 #沙田 ❀❗️酒店池畔燒烤自助餐 比較適合一家大細❗️——————————————————上星期去到位於沙田城門河畔麗豪酒店嘅濠餐廳進食自助晚餐🍽特色在於池畔燒烤，有專人喺泳池旁邊即叫即燒，包括美國斧頭扒、牛肋骨、豬仔脾、龍蝦、青口、芝士焗蠔、燒鵝肝🔥另外，酒店主打一家大細，所以食物方面都考慮埋老人家同小朋友，用唔少中式熟食、多種甜品選擇，仲有久違嘅朱古力噴泉🍫。當然唔少得任食嘅凍海鮮，有龍蝦、鱈場蟹腳、大蝦、加拿大海螺等等。.自助餐嘅環境幾大，除咗有室內位置之外，仲有室外池畔燒烤，部份室內位置可以望到泳池，不過就略嫌有啲殘舊🙈見到佢哋幾多特意加咗唔少卡通裝飾，有好多小朋友喺度，覺得比較適合一家大細嚟。.✷𝑀𝑒𝓃𝓊✷☞ 池畔燒烤風味自助餐 呢個自助餐逢星期六日同埋公眾假期供應，成人$568起，小童$298起，預訂可享低至 7 折優惠。.食物選擇都幾多，有池畔燒烤、凍海鮮、刺身、燉湯，而當中嘅熟食亦混入左啲東南亞風味，例如咖喱、馬來沙嗲。不過refill速度有少少慢，去到後來好多燒烤食品都冇晒🥺。.作為甜品控嘅第一眼被甜品櫃深深吸引🤩有我小時最愛嘅朱古力噴泉、麵包布甸、多
❗️酒店池畔燒烤自助餐 比較適合一家大細❗️
——————————————————
上星期去到位於沙田城門河畔麗豪酒店嘅濠餐廳進食自助晚餐🍽特色在於池畔燒烤，有專人喺泳池旁邊即叫即燒，包括美國斧頭扒、牛肋骨、豬仔脾、龍蝦、青口、芝士焗蠔、燒鵝肝🔥另外，酒店主打一家大細，所以食物方面都考慮埋老人家同小朋友，用唔少中式熟食、多種甜品選擇，仲有久違嘅朱古力噴泉🍫。當然唔少得任食嘅凍海鮮，有龍蝦、鱈場蟹腳、大蝦、加拿大海螺等等。
.
自助餐嘅環境幾大，除咗有室內位置之外，仲有室外池畔燒烤，部份室內位置可以望到泳池，不過就略嫌有啲殘舊🙈見到佢哋幾多特意加咗唔少卡通裝飾，有好多小朋友喺度，覺得比較適合一家大細嚟。
.
✷𝑀𝑒𝓃𝓊✷
☞ 池畔燒烤風味自助餐
呢個自助餐逢星期六日同埋公眾假期供應，成人$568起，小童$298起，預訂可享低至 7 折優惠。
.
食物選擇都幾多，有池畔燒烤、凍海鮮、刺身、燉湯，而當中嘅熟食亦混入左啲東南亞風味，例如咖喱、馬來沙嗲。不過refill速度有少少慢，去到後來好多燒烤食品都冇晒🥺。
.
作為甜品控嘅第一眼被甜品櫃深深吸引🤩有我小時最愛嘅朱古力噴泉、麵包布甸、多種蛋糕！而且當時做緊「莓果饗宴」，有多款精緻嘅莓味甜品，亦有movenpick雪糕！
.
不過整體味道大致普通，間中有一兩道菜較為深刻。略嫌海鮮未夠鮮甜，不過勝在種類選擇多，如果帶父母或者小朋友嚟大家玩下還可以。
——————————————————
✨整體味道: 3/5
✨環境裝修: 3/5
✨服務態度: 3/5
✨性價比: 3/5
✨再訪興趣: 3/5
.
💞整體來講
池畔燒烤呢一點真係幾特別，有種休閒去咗旅行嘅感覺🤣另外亦有唔少凍海鮮、同埋超多甜品選擇。不過略嫌整體味道就比較普通，如果對食物較高要求就未必適合，而且環境亦有少少舊。勝在有唔少卡通裝飾，亦有多種選擇，一家大細有老有嫩嘅會啱啲👨👩👧👦。
張貼
