影片
更多
2021-03-20
369 瀏覽
開始返四人飯聚局後，好多餐廳叫做吊鹽水，總好過只做外賣生意。酒店勉強仲有 Staycation 或者隔離酒店服務頂住下，但始終都要求變。沙田帝都酒店玉庭中菜廳，係自己比錢都會去，當日外傭約滿同佢餞行，都係選擇「玉庭」。今次將日式火鍋元素融入「玉庭」，未嘗不是一個新概念，因為記憶所及，餐廳從未提供過火鍋。畢竟地方夠大，就算是卡座，四位坐都好闊落。精緻刺身拼盤 （期間限定送出）今次「極尚涮涮鍋」真係精銳盡出，刺身一般人都以為係Buffet質素，但「玉庭」卻是從同酒店的「櫻田」日本餐廳，取來甜蝦、赤貝、帶子、八爪魚及法國蠔，單係這個拼盤，已經值幾百蚊。甜蝦及赤貝爽甜味鮮，帶子軟綿，仲有肥美法國生蠔，作為前菜的確令人欲罷不能。千呼萬喚主角終於出場。就先由全日鮮（$2088）講起。份量有波士頓龍蝦2隻、南非孔雀鮑魚4隻、大蜆8隻及北海道帶子8件。波士頓龍蝦是游水貨，蝦頭滿有蝦膏，淥熟後肉質雪白爽彈，新鮮已勝過一切。鮑魚成隻手掌心大小，上檯時仍在徐徐蠕動，所以要淥耐些少，吃起來質地煙韌，用筷子食有點手忙腳亂，建議大家轉用刀叉會就手得多。帶子又係誇張，隻隻成吋厚，完全係刺身級數，鮮嫩到一個點。其實食
開始返四人飯聚局後，好多餐廳叫做吊鹽水，總好過只做外賣生意。酒店勉強仲有 Staycation 或者隔離酒店服務頂住下，但始終都要求變。
沙田帝都酒店玉庭中菜廳，係自己比錢都會去，當日外傭約滿同佢餞行，都係選擇「玉庭」。
今次將日式火鍋元素融入「玉庭」，未嘗不是一個新概念，因為記憶所及，餐廳從未提供過火鍋。畢竟地方夠大，就算是卡座，四位坐都好闊落。
精緻刺身拼盤 （期間限定送出）今次「極尚涮涮鍋」真係精銳盡出，刺身一般人都以為係Buffet質素，但「玉庭」卻是從同酒店的「櫻田」日本餐廳，取來甜蝦、赤貝、帶子、八爪魚及法國蠔，單係這個拼盤，已經值幾百蚊。
甜蝦及赤貝爽甜味鮮，帶子軟綿，仲有肥美法國生蠔，作為前菜的確令人欲罷不能。
千呼萬喚主角終於出場。
就先由全日鮮（$2088）講起。份量有波士頓龍蝦2隻、南非孔雀鮑魚4隻、大蜆8隻及北海道帶子8件。
波士頓龍蝦是游水貨，蝦頭滿有蝦膏，淥熟後肉質雪白爽彈，新鮮已勝過一切。
鮑魚成隻手掌心大小，上檯時仍在徐徐蠕動，所以要淥耐些少，吃起來質地煙韌，用筷子食有點手忙腳亂，建議大家轉用刀叉會就手得多。
帶子又係誇張，隻隻成吋厚，完全係刺身級數，鮮嫩到一個點。其實食量細小小都恐怕有剩，因為每兩位會送上「野菜拼盤一客」。
正所謂「有圖有真相」，大家睇下就知。
講真，份量及數量夠晒澎湃，計落有娃娃菜、小棠菜、番茄、青菊、南瓜、蕃薯、小青椒、秋葵、京葱、大根、冬菇、杏鮑菇、金針菇及稻庭烏冬，足足十四、五樣，仲要唔係得少少，胃口細啲，基本上食菜已經夠飽。
再來是更加重量級的全牛拼盤 （$2021）。
當中包括了（從上而下）佐賀A5和牛(120克)、九洲摩A5和牛(120克)、澳洲M7和牛肉眼(120克)、級美國安格斯牛小排(120克)與及牛舌。建議大家從下而上享用，因為牛小排油份較少，比較有嚼口，而最頂的佐賀和牛則滿有油香，每款都帶來不同口感，若然意猶未盡，大可追點，全部都是按重量計算，食幾多計幾多。
湯(自選一款湯底)
本身套餐可在壽喜燒湯底、利尻昆布湯底或辣味噌豚骨湯底中任選一款，但如果不合心意，大可另行加錢選擇其他口味。
由於是4人一檯，今次就挑選了柚子清酒大蜆湯（$128）及木魚鮮人參雞湯（$148）。
其實柚子清酒湯底好香，加入新鮮大蜆味道更鮮，配以海鮮食材更能提昇鮮味。
至於鮮人參雞湯，用上半隻雞，鮮甜中帶有鮮人參的甘味，又瀰漫著木魚的幽香，嗯！真的不錯。如果不喜歡上述兩款口味，仲有野菌舞茸湯（$108）、鯛魚濃湯（$158）、番茄鮮蝦濃湯（$188）及北海道3.6牛乳蟹湯（$198），種類真的多完化。
日本清酒同行朋友想喝上兩杯，今次就來了「久美の浦-純米吟釀（京都) Kyoto」（$280/300ml），米香未算突出，但有淡淡的哈蜜瓜的馥郁香氣，相當易入喉，好啱女士品嚐。
張貼
