影片
更多
2012-05-26
184 瀏覽
經朋友介紹得知漁類批發市場綜合大樓有間食酒樓點心嘅茶餐廳. 今朝我哋一家三口就過嚟試"新嘢"喇.地方唔大, 喺門口一眼望晒. 職員態度親切有禮. 可吃中式點心亦可嘆奶茶咖啡多士, 點心價錢亦算大眾化, 最貴都只係$15.00, 炒飯粉麵就要$18.00.我哋叫咗6款點心 春蛋燒賣 $13.00--而家都好少酒樓有得食, 味道唔錯. 蟹籽燒賣皇 $13.00--OK啦, 都唔太差嘅 盅頭蒸雞飯 $15.00--飯粒唔太濕, 味道尚可 四寶雞扎 $13.00--四寶係雞肉, 芋頭, 豬皮同埋魚肉, 豬皮魚肉呢個配搭又幾特別, 雖然肥膩咗啲, 但味道幾好. 馬拉糕 $13.00--唔知係咪發粉太多, 味道怪怪哋同埋有少少苦, 唔得! 意式芝士多 $15.00--呢個真係好正, 熱辣辣夠脆口. 略嫌烘得燶咗啲, 如果唔係會更perfect!茶錢$5.00一位, 另收加一服務費, 埋單$101.00
地方唔大, 喺門口一眼望晒. 職員態度親切有禮. 可吃中式點心亦可嘆奶茶咖啡多士, 點心價錢亦算大眾化, 最貴都只係$15.00, 炒飯粉麵就要$18.00.
我哋叫咗6款點心春蛋燒賣 $13.00--而家都好少酒樓有得食, 味道唔錯.
蟹籽燒賣皇 $13.00--OK啦, 都唔太差嘅
盅頭蒸雞飯 $15.00--飯粒唔太濕, 味道尚可
四寶雞扎 $13.00--四寶係雞肉, 芋頭, 豬皮同埋魚肉, 豬皮魚肉呢個配搭又幾特別, 雖然肥膩咗啲, 但味道幾好.
馬拉糕 $13.00--唔知係咪發粉太多, 味道怪怪哋同埋有少少苦, 唔得!
意式芝士多 $15.00--呢個真係好正, 熱辣辣夠脆口. 略嫌烘得燶咗啲, 如果唔係會更perfect!
茶錢$5.00一位, 另收加一服務費, 埋單$101.00
題外話/補充資料：
呢度嘅點心價錢唔太貴, 茶錢就同酒樓一樣都要$5.00一位, 另收加一服務費. 但論舒服程度當然酒樓坐得舒服好多啦. 值唔值得就見仁見智喇.
呢度嘅點心係即叫即蒸, 所以會等得較耐, 平均都要20分鐘. 趕時間嘅就千其唔好嚟喇.
(以上食評乃用戶個人意見 , 並不代表OpenRice之觀點。)
張貼
