龍悅 (已結業)

嚟到小西灣邨探個長輩，當然陪佢飲吓茶啦，老人家唔走得遠，所以都係去屋邨入面嘅酒樓，見到呢間龍悅都有幾間分店，相信應該唔會差啩！最近少咗人出外消費，所以酒樓都做咗啲減價推廣，小食三寶都只係$78，即管試吓啦！首先係呢個青瓜雲耳海蜇，佢係海蜇頭而唔係海蜇絲，青瓜：雲耳：海蜇頭嘅比例係4:5:1，所以如果想食海蜇嘅朋友就會好失望喇，不過味道少少辣都ok嘅！鮑汁鳳爪份量十足，但似乎浸煮咗好耐咁，所以鳳爪有啲唔完整咁，但味道仍唔錯嘅！呢個蜜椒雞翼本身賣相一般，大大隻碟裝住5隻雞翼，不過一食之下真係好驚喜，脆口得嚟少少蜜糖甜味，肉質幼嫩唔會過熟，真係後悔叫咗一碟咁少本身鍾意食鍋貼，所以就叫咗一碟啦，不過呢碟鍋貼真係嚇死人，一上到枱啲皮已經係爛晒，仲要完全唔係平時食開嘅皮，完全唔入得口灌湯餃嘅湯好清好正，所以成碗清晒！鮑魚燒賣原來只有兩件，鮑魚細隻就預咗㗎啦，但係下面粒燒賣嘅肉真係超難食 包點類係正常嘅，個馬拉糕仲幾精美添！呢個炒麵都幾抵食嘅，份量又多，味道亦唔錯！