影片
更多
2019-08-18
131 瀏覽
男朋友超鐘意食中菜，但得2個人的話，明明想食嘅菜款有好多，但眼闊肚窄，通常都唔叫得多，叫得多又怕太貴。平時西式日式放題就食得多，但今暈利寶閣搞搞新意思，出左中式放題又真係第一次聽，見佢同平時D放題$298蚊，再加一，其實同西日放題差不見，一於去試一試，岩哂D想食西餐，但又驚爆哂Budget，但又想咩都試下嘅人。尖沙嘴嘅利寶閣位於The One嘅17樓，去食夜晚飯的話可以欣賞到港島嘅夜景，無論係環境、服務同觀景感覺都相當唔錯。夜晚嘅放題有多達55款嘅小菜可以簡，每人首先會有一Set花膠響螺雞湯、原隻飽魚花菇同時令奄仔蟹食。男朋友去親食利寶閣都一定會點嘅靚湯，呢個花膠響螺雞湯同平時一樣都咁充料同埋鮮甜。原隻飽魚花菇令我諗起平時飲宴上嘅菜，飽魚同花菇都大大隻，個醬汁剛好，食落去好有口感，放題得黎，個質素唔錯。奄仔蟹係踏入秋天前，端午節過去嘅時令海鮮，蟹膏甘香軟滑，入口柔軟蟹味夠濃，我地簡左清蒸，時令野梗係食返原汁原味野最好啦！Menu 分左煎、炆、煮、炸、炒、浸、烤、焗、甜等分類，等食家可以易D睇，易D簡野。介煎釀尖椒，魚肉夠香，青椒帶少少微辣，唔錯！飽汁鳳爪 同 雞蛋豬腳薑都唔錯，煮得夠哂
男朋友超鐘意食中菜，但得2個人的話，明明想食嘅菜款有好多，但眼闊肚窄，通常都唔叫得多，叫得多又怕太貴。平時西式日式放題就食得多，但今暈利寶閣搞搞新意思，出左中式放題又真係第一次聽，見佢同平時D放題$298蚊，再加一，其實同西日放題差不見，一於去試一試，岩哂D想食西餐，但又驚爆哂Budget，但又想咩都試下嘅人。尖沙嘴嘅利寶閣位於The One嘅17樓，去食夜晚飯的話可以欣賞到港島嘅夜景，無論係環境、服務同觀景感覺都相當唔錯。
夜晚嘅放題有多達55款嘅小菜可以簡，每人首先會有一Set花膠響螺雞湯、原隻飽魚花菇同時令奄仔蟹食。
男朋友去親食利寶閣都一定會點嘅靚湯，呢個花膠響螺雞湯同平時一樣都咁充料同埋鮮甜。
原隻飽魚花菇令我諗起平時飲宴上嘅菜，飽魚同花菇都大大隻，個醬汁剛好，食落去好有口感，放題得黎，個質素唔錯。
奄仔蟹係踏入秋天前，端午節過去嘅時令海鮮，蟹膏甘香軟滑，入口柔軟蟹味夠濃，我地簡左清蒸，時令野梗係食返原汁原味野最好啦！
Menu 分左煎、炆、煮、炸、炒、浸、烤、焗、甜等分類，等食家可以易D睇，易D簡野。
介煎釀尖椒，魚肉夠香，青椒帶少少微辣，唔錯！
飽汁鳳爪 同 雞蛋豬腳薑都唔錯，煮得夠哂入味，而且口感好Q彈，有滿滿嘅骨膠原。
黯然叉燒煎蛋飯，用嘅係靚嘅穀飼豚肉去自製呢個叉燒飯，叉燒果然嫩滑，而且肥瘦均勻，非常Juicy，配埋甜鼓油同只半生熟蛋系拌飯，好好食！
美味欖角骨，應該有用蜜糖煎封過欖角骨，味道拿掐得非常好，所以甜味系剛剛好，欖角骨用嘅系半肥瘦嘅位系做，食落口嫩得黎，又好有咬口好食。
玻璃咕嚕肉酸酸甜甜，肉切到一口一舊，岩哂我呢D斯文人，肉炸得剛好，軟硬適中，唔會柴，有D青紅椒、洋蔥等一齊炒，食落好開胃。
XO醬炒雜菜有椰菜、雞脾菇同西蘭花一齊配XO醬同醬油炒，呢個菜個調味幾好食！我地添左幾轉。
甜品楊枝甘露，十分充料，有東子、大大粒果肉同好多西米，正呀！
張貼
