N+ Burger (已搬遷) 新店位置

灣仔區好多漢堡包店，今次試咗一間新舖，環境非常舒服同乾淨，總體感覺非常好，應該係我目前食過灣仔區最好味嘅漢堡😋佢最大嘅特色係啲麵包用咗酸種麵包，而牛肉係全天然安格斯牛肉，用自家牧場養育牛牛🤩N+ classics，double with bacon呢個漢堡包不得了，勁大個勁厚勁豐富😍兩層厚厚嘅安格斯牛肉，真係好香，仲要加埋塊煙肉，真係又邪惡又吸引，食完滿足感十足。最正係有幾款唔同嘅醬汁揀，而且全世界係自家製嘅，出面食唔到㗎👍🏻N+ limited truffle burger同樣要咗double，呢個就充滿黑松露味，6安士嘅安格斯牛非常厚非常香，而且醬好多，上下兩層都有，正到不得了☺️牛嘅香味加上黑松露醬嘅香味，配埋酸種包，真係冇乜地方可以食到咁高質嘅漢堡。另外加$50可以轉套餐，有得揀薯條或者薯角，佢一大盒上，份量驚人，最正係會俾三盒仔唔同嘅醬，都係自家製㗎，我就最鍾意蜂蜜芥末醬啦，不過最後真係食唔晒。另外套餐包埋飲品，有得揀汽水同茶等，我就揀咗檸檬梳打水，好好飲☺️