Baked (已搬遷) 新店位置

香港少有既酸種麵包，baked就做到好出色，上網見到weekend多數要排，今次揀左weekday兩點左右黎食。室內位置較逼，客人間距離較窄，為左防疫，揀左大熱天時坐戶外位。叫左oh my god、hipster say hello、ice latte同ice flat white。🍴oh my god最eye catching係堆火箭菜，其次係黑松露芝士汁，將sourdough完美覆蓋左。首先個汁好香，黑松露味自然，唔會一陣gas味，煮意粉一定好食。即使有咁濃味既醬，入口時仍然食到sourdough陣獨特既酸味，整體配合下唔會太膩。麵包焗到外脆內軟，即使被汁浸住，食到尾麵包都唔會濕曬。大啡菇juicy，加埋poached egg，好食。🍴hipster say hello如果想試真啲sourdough味道既話，呢款更適合。配搭較簡單，有蕃茄、牛油果同煎蛋，突出麵包既味道，食起嚟比較清新，健康d同無咁膩。🍴ice latte🍴ice flat white偏nutty，我杯茶價錢雖然唔平，但份量好多，食完飽好耐，味道都出色，值得一試。