小鍋米線 (天一商城)

營業中

休息中

地點近我住，都食過幾次。酸辣湯就麻麻地，麻辣湯好食啲。每次都會叫麻辣中辣招牌小鍋米線，餸就叫咗蒜香雞扒，飲品係附送豆漿，成個餐$45+$2外賣費。佢個湯底唔係好濃同麻辣唔算好辣，如果鐘意食濃味湯及辣未必啱。本身已經包咗好多配料，有菇，雞肉，酸菜，肉碎，芽菜，腐竹。配料最好食係酸菜，係甜甜地爽脆嘅口感，個人係幾鐘意食，其它配料就正正常常。米線爽口，好食。蒜香雞扒都ok ，肉質唔太靭，雞皮有少少脆，成嚿食落去係舒服，如果蒜味重多少少就好。飲品附送豆漿，豆漿幾好飲，唔太甜，都重豆味。