廚十三老壇酸菜魚 (太子集團中心) (已結業)

好想食酸菜魚，於是叫咗個外賣。酸菜魚完全唔得，啲酸菜一啲都唔爽脆，而且個湯底唔夠酸。 酸菜魚個湯底好重要，正常來講要吸引到人狂飲， 飲到停唔到口嗰隻。但係呢個湯底吸引唔到我。可能外賣嘅緣故啲魚已經過熟，唔滑嫩。 不過佢料算係多。嗰兩個白飯硬到呢，食完胃痛 。最強差人意應該係個青椒土豆絲，比較清齋寡慾，收你$68。雨露均沾$48，煙煙靭靭，靠啲黑糖去吊味。 冇咩特別。而其他三個餸包括皮蛋都係一般般，我唔覺得係特別好食。