烏蠅館 (新都城中心二期) (已結業)

喺將軍澳，食四川烤魚嘅地方真係少有，今次就到寶琳站嘅烏蠅館叫咗 海鱸魚🐟特色泡椒湯底一滾起就試下個湯底先，酸辣味到位，而且帶點麻，令人流晒口水🤤爐魚多肉而且滑，兩個人食一定足夠，配料都好多，有芋絲、雲耳、菇類等。除咗享受烤魚嘅美味，同時亦都點咗唔少火鍋配料，包括打邊爐必食既牛肉、蝦肉雲吞仲有寬粉，吸哂麻酸辣湯嘅寬粉爽口彈牙，口感一流😋餐廳好貼心，因為烤魚用嘅湯底未必咁容易煮熟雲吞，所以餐廳準備咗七成熟嘅雲吞，我哋雲吞落咗一陣就可以食啦，雲吞有驚喜，蝦肉好新鮮，豬肉好香口，甚至食到燒左口魚嘅美味。