東方小祇園齋菜

營業中

休息中

肥髀同我食齋都鍾意食酸齋，之前北角返工都有時外帶啲返屋企加餸！可惜齋唔係度度好味！今日肥髀打電話比我話想食，收工經灣仔搭車，就去呢間買，其實位置唔就腳，地鐵站都要行15分鐘先到！門口就可以買外賣，一個個不銹鋼盤裝住不同嘅齋，因為未買過，問阿姐店員最小分量係幾多？佢話最少$10，就買$10酸齋，另一個阿姐好爽手，即刻𢳂好比我！一個膠袋仔！返到屋企轉用碗！份量唔少！夠我同肥髀食！酸齋口感好軟滑，咬落唔韌，（唔會係放咗好耐嘅橡皮筋）味道入晒味，酸酸甜甜，酸汁唔會嗆喉！好溫和又開胃！好味！