聚一醉火鍋小館 (已結業)

同朋友一齊食火鍋，去左紅磡的聚一醉火鍋小館 ，雖然地方不算就腳，但原來崇潔街整街都是美食，非常熱鬧。先來一個醬料大混合，XO 醬最讚呀！我地點左個聚一醉醉雞湯底（$118）湯底包左半隻醉雞，用花雕酒浸住，雞肉嫩滑又好味，至於湯底材料夠多，湯頭亦香甜！打邊爐配料最緊要新鮮！手工鮮蝦雲吞（$58）蝦膠墨魚雙拼滑（$88）蝦膠墨魚相信是新鮮打成的，再砌成心型，質感爽口彈牙，鮮味十足！安格斯牛粒（$88）牛粒份量很多，滿滿的油脂香，肉質嫩滑！竹串蝦（$58）竹串蝦肉質肥美，新鮮可口！鮮脆鯇魚骨腩（$78）脆鯇魚骨腩份量夠大，新鮮爽脆，非常好吃！最後還要推介這裡的酸梅湯和竹蔗茅根，是這裡自家煲的，非常足料，冰涼又夠凍，火鍋必備啊！酸梅湯（$38）這裡的酸梅湯和和竹蔗茅根是自家制的，酸甜開胃，一定要試！