鈴木珈啡館 (已結業)

今朝早上俾老闆叫左去上環傾野...為免遲到, 咁提早出門口, 咁到左上環距離開會時間仲有成半個鐘...當然要揾D野食下同埋飲番杯咖啡啦...咁行到去維德廣場,見到SUZIKI CAFE喎..平時LUNCH同DINNER係其他地區都食過...唯獨早餐未試過喎..咁咪試下囉... 早上十點,唔使等位之餘, 仲俾我坐到窗口位...呵,感覺都幾悠閒....其實佢早餐選擇唔多,得四款左右,不過無所謂,對我來講最緊要佢D野來得快同埋好味... 咁落單唔洗五分鐘,侍應好快攞左杯咖啡俾我,咁味道較濃呢! 不過都OK! 跟手,佢再攞埋份早餐上來, 哈...有少少驚喜...我平時早餐通常都係幾間連鎖快餐店食...D字頭法國包我都係常客...但真係無佢排得咁靚咁整齊...所以呢度我加左分俾佢... 好啦...講番我份早餐基本食物味道都OK, 都係正常野, 最特別係個綠茶多士...有淡淡的綠茶味, 烤到微微變焦...都幾香口...如果再大件D就好啦!! 呵...