泰原味

營業中

休息中

今天同朋友到調景嶺食泰國菜，見餐牌好多款式，價錢實惠，先點了小食-炸蝦餅$53，四大塊，每塊都漲卜卜，食落好彈牙。泰國菜最顯功夫，試下個大頭蝦冬蔭功湯，冇諗過$68 竟然一大煲，還有四隻大蝦，夠爽口，而且辣度十足，主食叫了海南雞飯$58，雞肉好嫰滑，雞皮色澤夠黃，雞油香味濃，油飯也滲了濃濃雞香味，蘸上海南雞辣汁，好味。另一泰菜必食，我至愛的酸子肉碎明爐烏頭$128，上枱夠晒大堆頭，鋪滿配菜，芹菜、草菇、芫茜、甘荀絲，湯底有濃濃魚湯鮮味帶點酸甜，最後點了芒果糯米飯$56，糯米飯夠軟熟撈埋熱椰漿，好味。