明洞包車

營業中

休息中

搬咗嚟大窩口幾年，初初搬嚟已經開始食呢間韓國菜，嗰陣時唔係叫呢個名，有位好靚女嘅女士應該係事頭婆，同埋佢嘅韓國人老公主理，食嘅係正宗韓國料理，幾乎喺韓劇見到嘅所有嘢，都喺呢度食到。我自己最鍾意食佢嘅醬油蝦，跟一碗紫菜飯，一個人可以食到六七隻，醬油醃過嘅蝦爽甜鮮味，醬油撈飯簡直絕配。細路仔就好鍾意食嗰個韓式燒玉子，問過大廚要用七隻雞蛋咁多。雖然價錢都唔算平，但當支持小店我哋都隔幾個月都會嚟食，後來喺社交媒體見到呢間店同客人有糾紛，唔知係咪有關人流明顯少咗，但我哋都keep住支持，食物質素一直保持到。