影片
更多
2021-06-09
1539 瀏覽
🥢尖沙咀初嚐重慶大廈內美味地道非洲菜⚠️餐廳會在7月4日 進行裝修，想知幾時開返要Following 佢地網上媒體更新🥢之前偶然睇到蘋果新聞介紹香港女仔嫁非洲迦納男的愛情故事，後來在重慶大廈開設了一間迦納菜餐廳，在香港人眼中非洲係食咩既呢，印象非常之模糊，之前有睇旅遊節目印度係食一個白色的粉糰Fu Fu, 香港有非洲菜式的地方真的不多，難得有朋友夠膽一齊勇闖重慶大廈，鍾意古靈精怪野既我哋就即刻book位去試吓🥢好多人都唔敢入去重慶大廈，都因為怕門口太多人拉客仔太熱情，真係唔使擔心，去到有人圍住你只要目標明確直接同佢哋講你要去paul's kitchen,佢哋會即時彈開，部份仲好友善話俾你知係邊度，餐廳位置喺重慶門口直入上樓梯轉右就係啦好易搵🥢鋪仔細細只有幾張枱，因為位置不多最好就book咗位先過嚟，裝修非常之少女心好啱女仔過嚟，頭頂仲有幾盞好可愛嘅星星吊燈，門口仲有梳妝台添，入邊有一半香港人仲有非裔人喺度食緊飯，由此可見都真係幾正宗🥢坐低後老闆娘係香港人可以同聲同氣咁落單，非常之Nice又介紹有啲乜嘢啱我哋食，推介我哋食二人餐，好食又抵食，嘢食嚟到嘅時候又非常之詳盡咁介紹每一個醬汁係用嚟
224 瀏覽
1 讚好
0 留言
⚠️餐廳會在7月4日 進行裝修，想知幾時開返要Following 佢地網上媒體更新
二人餐 Set c
70 瀏覽
1 讚好
0 留言
🥢之前偶然睇到蘋果新聞介紹香港女仔嫁非洲迦納男的愛情故事，後來在重慶大廈開設了一間迦納菜餐廳，在香港人眼中非洲係食咩既呢，印象非常之模糊，之前有睇旅遊節目印度係食一個白色的粉糰Fu Fu, 香港有非洲菜式的地方真的不多，難得有朋友夠膽一齊勇闖重慶大廈，鍾意古靈精怪野既我哋就即刻book位去試吓
二人餐Set c
67 瀏覽
0 讚好
0 留言
🥢好多人都唔敢入去重慶大廈，都因為怕門口太多人拉客仔太熱情，真係唔使擔心，去到有人圍住你只要目標明確直接同佢哋講你要去paul's kitchen,佢哋會即時彈開，部份仲好友善話俾你知係邊度，餐廳位置喺重慶門口直入上樓梯轉右就係啦好易搵
🥢鋪仔細細只有幾張枱，因為位置不多最好就book咗位先過嚟，裝修非常之少女心好啱女仔過嚟，頭頂仲有幾盞好可愛嘅星星吊燈，門口仲有梳妝台添，入邊有一半香港人仲有非裔人喺度食緊飯，由此可見都真係幾正宗
🥢坐低後老闆娘係香港人可以同聲同氣咁落單，非常之Nice又介紹有啲乜嘢啱我哋食，推介我哋食二人餐，好食又抵食，嘢食嚟到嘅時候又非常之詳盡咁介紹每一個醬汁係用嚟點乜嘢，又問我哋識唔識食魚怕唔怕多骨教你食，真係好似一個大姐姐咁，呢種親切咁喺第二啲餐廳真係搵唔到
🥢餐牌入邊有非洲餐亦有菲律賓菜而且諗唔到食咩嘅時候可以嗌小食拼盤或者二人餐，其實我哋都一向好鍾意食啲異國風情嘅菜式，好想試吓非洲嘅FuFu, 睇到旅遊節目覺得應該似年糕咁樣嘅口感好想試吓，今次第一次來就試吓佢哋嘅二人餐，感覺擺盤好靚好吸引
68 瀏覽
0 讚好
0 留言
🥢Set C 二人餐跟汽水 $150
呢個二人餐比我嘅感覺呢就係全部都係炸嘢嚟嘅，樣樣都炸到非常之熱辣辣又脆卜卜，感覺上會大部份人都非常之易接受嘅口味
🥢椰菜絲沙律
新鮮爽脆嘅椰菜絲，撈埋啲沙律汁都幾好味，食到個口太熱氣嘅時候食返一啖沙律中和一下
🥢炸非洲鯽魚
一整條的炸鯽魚非常大條，魚皮炸到卜卜脆，魚味都幾鮮，好似平時比較少有食到呢一種炸魚嘅感覺，我仲有個特別嘅醬料係用嚟點魚嘅，隻味道就有啲似洋蔥汁咁，個汁都幾fresh
🥢炸雞件
炸雞非常之出色成個雞皮都好非常之脆口，入邊雞肉嫩滑多汁，有啲似Jolibee嘅菲律賓炸雞，但呢個梗係俾佢再好食好多啦
炸雞
89 瀏覽
0 讚好
0 留言
🥢非洲炒飯
呢個炒飯個人都覺得幾好食有種獨特嘅香料味但係又唔算好濃烈，有少少覺得似平時食印尼炒飯的香氣感，但味道唔一樣，個人覺得幾好食
🥢薯條
薯條感覺咬落乾身香脆，覺得係今年食過最好食嘅薯條，味道就似係菲律賓嘅炸薯條，而且每條都非常之咁脆，鍾意食脆薯條嘅人一定會覺得滿意
🥢串燒司華力腸$20
本身諗住嗌串燒牛肉再加師華力腸嘅，老闆娘建議我哋未必食得晒，而且非洲串燒牛肉嘅質感係比較硬可能未必啱我哋口味，所以我哋只點了腸
呢條腸嘅醬汁好特別，上邊用咗酸酸甜甜嘅醬汁，呢個味道感覺幾好
串燒司華力腸
55 瀏覽
0 讚好
0 留言
🥢Halo Halo 雜豆冰 $50
到最期待嘅甜品部份，原來呢個甜品係非常之靚用個心心碗仔裝住，仲用一隻非常可愛嘅心形匙羹，底層係用咗刨冰旁邊有紅豆，啫喱，布甸，椰子肉，等等去組成，上面仲有一個士多啤梨雪糕球添，非常之少女心，頭先食咗咁多炸嘢，來一個甜品真係剛剛好
Halo Halo
60 瀏覽
1 讚好
0 留言
🥢不用$100 就可以食到地道非洲菜，個人就覺得幾滿意，因為佢嘅炸野真係幾唔錯，而家大家會覺得好易接受，仲記得2019 年大家華裔非華裔港人 we connect ,其實大家都係香港人，入重慶大廈搵食又有咩好驚，下次再去食地道菜FuFu
📍 Paul's Kitchen (尖沙咀)
尖沙咀彌敦道36-44號重慶大廈1樓21號舖
張貼
