新德里餐廳

營業中

休息中

首次去到尖沙咀重慶大廈，果然好似深入敵陣咁，去到門口就不停有唔同餐廳嘅人招攬你去佢哋餐廳，不過只要你一早選擇好，同佢講聲，就自然會有人帶你搭電梯去餐廳。二人晚餐，點選了芝士薄餅，咖哩羊，雞肉沙律同椰汁炒飯，同兩杯飲品。頭盤雞肉沙律，雞肉有少少辣，配落青瓜生菜度異常地夾，順帶一提雞肉係熱，並唔係好似平時嘅沙律咁係凍嘅。芝士薄餅配埋咖哩羊肉，十分惹味，羊肉唔蘇，肉質唔韌，薄餅有芝士餡，令餅心軟綿綿，口感一流。椰汁炒飯比較差，甜味配落飯度好奇怪，唔建議去叫。飲品叫咗Mango Lassi同Strawberry Lassi，值得推介，奶昔類飲品，酸甜度調校得適中。埋單$264，唔算太貴，會有下次，但會叫等二款飯。