影片
更多
2009-06-09
278 瀏覽
說過是兩個月內有三單齋妹既生日. 6月8日的晚上, 是我忙碌的第一個開始. 而首先, 是一個印度式的素食生日Party. 其實, 印巴既素食係尖沙咀呢頭唔少. 但既然要食印度野, 係香港最有特色既, 莫過於尖沙咀, 彌敦道既重慶大廈. 每次入到黎, 總令人覺得身處異國. 這裡來來往往的, 總是膚色有別之人, 仲有一名龜仙人...(齋妹B&L發現了一名老外, 除了沒有背著一個龜殼之外, 根本就是龜仙人.)入黎重慶食野之前, 如不想被人圍剿, 最好是做定功課, 訂定位. 拿著餐廳名字, 不停諗著, 記緊是A座定B座, 不要回頭. 直行去指定既Lift口. 亦可以俾其中一個準備圍剿你既人睇睇, 10個有9個都會俾direction你.上到四樓, 正確名字叫Smrat Pure Veg. 幸好有有帶一帶, 如果唔係都幾難搞. 一個人先坐底, 平時或係英國, 印巴咖喱食得多, 不過純素既咖喱又係點既呢, 我們非常之好奇. 看看餐牌, 又是要留意, 這個亦是一個要特別要求走蔥走蒜既地方. 老闆應該招呼慣佛學人士, 一叫no garlin, no onion, 完全明白. 再提多一提, 喜歡食 Na
每次入到黎, 總令人覺得身處異國. 這裡來來往往的, 總是膚色有別之人, 仲有一名龜仙人...(齋妹B&L發現了一名老外, 除了沒有背著一個龜殼之外, 根本就是龜仙人.)
入黎重慶食野之前, 如不想被人圍剿, 最好是做定功課, 訂定位. 拿著餐廳名字, 不停諗著, 記緊是A座定B座, 不要回頭. 直行去指定既Lift口. 亦可以俾其中一個準備圍剿你既人睇睇, 10個有9個都會俾direction你.
上到四樓, 正確名字叫Smrat Pure Veg. 幸好有有帶一帶, 如果唔係都幾難搞. 一個人先坐底, 平時或係英國, 印巴咖喱食得多, 不過純素既咖喱又係點既呢, 我們非常之好奇. 看看餐牌, 又是要留意, 這個亦是一個要特別要求走蔥走蒜既地方. 老闆應該招呼慣佛學人士, 一叫no garlin, no onion, 完全明白. 再提多一提, 喜歡食 Naan Bread 既朋友, 這裡沒有正宗既印度薄餅. 因為這裡不用雞蛋, 但幸好, 有牛奶有芝士.
未正式諗拈食乜之前, 先叫每人一個 Samosa, 印度既咖哩角. 皮做得香酥可口. 要求了走蔥走蒜, 薯仔加青豆, 再帶少少Spicy. 除了阿Ling小妹一點辣都不行之外, 個個都吃得歡喜. 女友是最遲來的一位. 本來是叫一隻熱既俾佢食, 想叫兩隻時, 另外兩位齋妹亦舉手示意, 呢個Samosa, 大家要 Encore.
主菜, 叫了四小份咖喱, 複雜的英文名字不記得了. 只知道有一個是 Mushroom Masala, 芝士 Samala, 芝士菠菜, 同一個叫燴芝士. 當中有辣有唔辣. 燴芝士是一個不辣的菜式, 汁裡有蕃茄, 而芝士方面, 食印度餐, 經常吃到的, 不是牛芝士, 是羊芝士居多. 那個口感完全唔同.
芝士菠菜, 帶點小辣, 碎菠菜加上芝士, 味道淡而香, 不過, 應該可以更好食.
Masala, 基本上是我最愛的咖喱品種, 香料味道好足好濃, 辣度又容易令世人接受. Mushroom Masala, 用的不是蘑菇, 是草菇. 用來沾薄餅或送飯, 味道夠哂濃烈. 非常好. 另外的芝士 Masala, 比較乾身, 反而令到個辣味出左黎, 個味道更香更濃. 一淡芝士, 一淡青椒, 一淡薄餅or 飯. 5人都好滿足.
可別要小看這幾個碗仔, 5個男人可能不夠, 4女一男, 反而是剛剛好, 個汁其實比較多油, 實在, 幾頂肚架.
薄餅&飯. 這裡沒有Naan Bread, 我們點了 Plain Chapati, 同 Potato Chapati. Chapati 亦是印度薄餅之一, 只不過是做法不同而已. Plain的, 淡味道, 沾一沾咖喱汁, 那塊餅沒有影響咖喱汁既原味. Potato Chapati, 多了薯仔味. 因為有著仔味而份外的香甜.
飯, 來食印巴菜, 總不會叫白飯咁冇新意的. 叫了一個黃飯同一個雜菜飯. 黃飯, 他們叫 Yellow Rice, 但我認識的叫 Pilau Rice. 不過都不外乎是同一樣野. 黃飯可愛的地方, 是間唔中有些散粒飯是不同色的, 用了不同的香料去炒. 可以說是聞到已經想食. 我因為要落街接女友而只是吃了幾口.
女友上到來了, 本來想叫多份薄餅的, 她連忙叫Stop, 因為她想自己揀. 於是選了一個炒雜菜飯. 因為熱食, 亦有充足的香料相伴. 邊食飯, 邊撈上咖喱汁, 沒有撈汁, 一樣咁好食. 印度人用香料, 真的可以稱冠, 因為可以令到一個極平凡的食物, 變得香口非常.
各人都飽了, 再加上一個Cheese Cake 同 大表姐 唱個生日快樂. 在重慶森林開的生日Party, 不是難忘, 不是另類, 是特別.
結賬, $318. 我說明不買禮物, 全待付飯錢. 計一計數, 除埋大家只是 64元. 嘩多一聲, 抵食.
張貼
