珍珠皇宮印度餐廳

營業中

休息中

今日黎到尖沙咀行街睇表，不過無我鐘意個款，所以無買到，之後就搵間餐廳食下野，今次就黎到重慶大廈搵食，試下啲中東野。首先叫左個小食印度脆米球。食個時倒啲醬料入去，令味道更加提升，一咬非常脆口。唔會好油膩，容易入口。之後點左個瑪莎拉咖喱羊，辣味可以自己選擇，今次我地試左小辣，岩岩好。羊肉非常香同野味，咖哩非常入味。如果點左咖哩就一定要加配咪牛油烤餅同咪烤麥餅，點啲汁黎食係非常之地道既文化，所謂入鄉隨俗丫嗎！味道都唔錯，烤餅又好香口，值得一試。再叫多個咖喱雞肉炒飯，呢個啲米粒粒金香，同我地中國米有啲唔同，但係都適合亞洲人。份量都好足料，不錯既選擇。飲品方面就選左芒果優格奶昔，芒果🥭味好出，係用新鮮芒果打汁而成，加咪yogurt，非常好飲。另一杯係香蕉優格奶昔，呢款都係用新鮮香蕉打汁，非常creamy，世界級享受。