湯火功夫麻辣燙 (已結業)

銅鑼灣新開咗一間食正宗重慶麻辣燙！喺大陸已經有好多間分店，而銅鑼灣呢間係香港嘅首間分店。泰式冬陰公湯底麻辣燙+凍奶茶餸方面，揀左兩素一葷，分別係油麥菜、金菇同重慶酥肉，配雲南米線。一黎到見個湯底，猶疑左一陣，冬陰公唔係紅色架咩!? 飲左啖湯，原來真係冬陰公味，只不過係椰香味比較重，辣度比平時飲開嘅冬陰功比較輕。 本身唔知咩係重慶酥肉，原來係外層有類似麵粉，半透明狀態，食落軟軟地比較厚粉，我就覺得一般，都係鍾意食炸嘅肉多啲。招牌麻辣燙 + 酸梅湯餸方面亦係揀左兩素一葷，分別係油麥菜、海帶、秘制豬腩，配薯粉秘制豬腩係出色嘅，肥瘦適中，滷水汁好香，好入味。麻辣湯底同其他外面餐廳不同嘅係比較重麻醬味，花生味，所以會比較香。飲品方面，個人鍾意酸梅汁好一點。佢呢度嘅凍奶茶，茶底勁濃，飲落唔係平時嗰啲西式紅茶，我嗰杯走左甜，苦得滯，我個人都係prefer 平時嗰間港式奶茶。