上海麵家 (已結業)

新春來臨前總不能準時出去午膳,往往能午膳的時候時間已經不多,於是又要急急腳喺附近搵間食店祭下五臟廟;正值午飯時段行過邊一家食店唔係人頭湧湧?但一個人去食總是比較幸運吧?點都有d單丁位等緊我!久別重逢好掛念鎮江排骨麵,於是就.......鎮江排骨麵($22):2年後都只不過係加左2蚊?重逢呢個麵... ...可能自己食過的美食多左,舌頭被寵壞左,對食物要求自然就高左!依加呢個麵排骨依然入味,嗰陣入口ge味道唔知點解會令我諗起豬腳薑!!但一個咁入味ge排骨肉質會硬得咁緊要=.= 碗麵好油呢個我知係上海美食ge特色,但排骨硬又係佢ge特色?未去過上海食過真正上海美食的我只能當排骨的確要如此硬的!!!豆沙餅($6):印象中好似係$6,呢個你有機會去此店就試一試吧,我叫左一個,店員話需要等一等,原來係門口個阿姐需要即時煎;我冇打錯字,個餅的確係"煎"出來的,個餅上枱時由於我仲同碗麵親熱中,所以由得個餅放埋一邊灘一陣,到我受唔住佢誘惑,夾起其中一舊放入口,哇~好熱好熱,在內的豆沙不太甜,畫龍點睛,味道恰到好處!!"餅皮"如用台灣語黎講架,真係好Q軟 再一次眼闊肚窄,個餅食4分1已經食唔落,於是打包