ToTT's and Roof Terrace (已結業)

早於14年由第一次偶然光臨到依家不定時到來，大概都已經6,7次，喜歡呢度的環境，尤其一望無際的香港景色。好天時，更可睇到遠處的主題公園放煙花! 就今次的食評，感覺食物水準依然保持，可是服務態度就稍為變了。每次到來，如果唔係食set, 就必食大大份牛扒，雖說 menu 這些年已作更新，由以前2人份量牛扒，到今日稱為共享牛扒，其實都無大分別，重點係品質依舊。今次點了7成熟，當它放到我們面前，大家已滿心期待，因為未到來前，我同朋友大力推薦，好在無失望，連2位少食肉朋友都連聲讚好，真係無推介錯! 牛扒送來已切成條狀(方便共享嘛)，肉質鮮嫩，雖未至於入口即溶的級數，但依然有種欲罷不能的感覺! 就算不加醬汁，本身肉的味道已夠吸引! 我們真係大快朵頤!另外點了共享春雞，可能大家太喜愛牛扒，相比下，這道菜真係失色了! 雞肉夠嫩口(淡味)，配上西班牙火腿同醃檸檬(都是較為濃味)，味道恰到好處!餐後小食點了芝士拼盤和蘋果酥餅。拼盤有數款芝士，餅乾同葡萄，當中我只嚐了blue cheese及brie。個人覺得當晚的brie軟身咗啲! 酥餅內充滿蘋果粒，餅皮夠鬆化，加上雪糕，這就是冷靜與熱情之間吧!