更多
2019-09-12
1239 瀏覽
係炮台山有間我差唔多個個星期都會食一次既龍蝦湯飯既餐廳執左,聽講佐敦有間分店,所以星期六既下午就專登出左去佐敦試下~星期六既午飯時間,得幾枱人,唔駛等位,餐廳比炮台山大好多,望下個餐牌,食物既種類比炮台山店多,價錢當然都貴左,但一場黎到,當然要試下。我地叫左龍蝦湯飯同海鮮焗飯,個味道真係同我平時食開既一樣,依舊係底湯濃郁,肉味新鮮彈牙,更重要既係龍蝦肉比之前仲要多!但焗飯既海鮮就少左!不過都仲值得一試呀!見到隔離枱食蒸魚,我地都心動好想試,但因為已經叫左兩個飯,唯有等下次啦。
張貼