悅香飯店 (已結業)

第一次幫襯悅香飯店, 係幾年前晚市, 同朋友食飯佢介紹的, 當時已經覺得好食, 可是歲月經年, 又唔係成日經過灣仔, 所以已經遺忘左...到今天, 因為工作關係, 終於長駐灣仔此勝地, 再一次路過此地, 即勾起我既食癮, 門面好似裝修過, 不過依舊有懷舊情懷 當晚夜收工, 因為唔係好記得d份量, 同同事兩個人叫左三碟餸招牌悅香雞 (例): 一叫即到, 原因簡單不過: 因為係整定斬出黎的始終係招牌, 雖然唔係新鮮雞, 但都好好味, 咸味適中, 再加上薑蓉 (個人鐘意齋薑蓉多於加蔥), 真係令人食指大動同一街之隔既生記比較, 我鐘意悅香雞多d, 例牌都唔算細碟, 兩個人食, 夠了蝦仁炒蛋: 簡單既餸, 睇出店鋪既功架, 此菜係"店小二"介紹有d人認為蝦仁炒蛋細蝦好食d, 我就兩樣都無問題, 我在意既反而係蛋, 悅香既蛋唔會太熟仲有蛋汁, 蝦仁亦都好大隻, 唔錯芥蘭炒吊片: 火候岩岩好, 芥蘭唔會太老, 的確此類酒家係應該有此等水準的要彈既係吊片唔似新鮮吊片, 感覺係食緊晒乾左既魷魚, 唔知係咪呢度既特色呢...當晚去到可能因為時間已經唔早, 店內人唔多, 唔知係咪因為咁, "店小二"既態度