緣聚 (已搬遷) 新店位置

上年食過呢間緣聚, 今日再食, 質素保持得到!! 種類依然有多款選擇。先嚟刺身, 包括三文魚, 三文魚腩, 帶子, 甜蝦, 馬刀貝等。 帶子好厚生, 三文魚好肥美, 而馬貝又好爽, 各樣都好生鮮。 梅酒配刺身, 絶配!! 另外點了火焰和牛及火熖蟹脚肉壽司, 帶了少少燒過的元素, 比普通冇火焰的帶有點香味。炸物可能比較油膩, 所以本人不太喜歡。麻辣火鍋也選了(不過唔辣的), 火鍋配料亦有多款選擇, 特別一提的是海蝦肉, 超爽! 甜品就普普通通, 都算ok。即磨咖啡(凍飲, 熱飲) , 可比美星×克的咖啡, 給我意外的驚喜。 今日中, 西, 日式都試咗. 因為太飽, 否則我會試埋意式(意大利粉), 來個(中, 西, 日, 意)完滿的晚餐。