影片
更多
2025-02-05
369 瀏覽
咪睇招牌寫住粉麵餐廳，就以為佢係一般茶餐廳(我認我之前真係有呢個錯覺😂😂)。唔係同事食開，帶我入嚟，我都唔知呢度有咁多特色食物。先講碗自選石碢米線($102)，比起食一般嘅酸辣米線，呢度就更有特色、更多選擇。湯底就已經有8款選擇，仲有坊間少有嘅肉骨茶湯底。同事介紹一定要試吓個金湯，咁我緊係要俾面試吓啦。配料就揀左豆卜、肥牛、豬肚、花膠仔、鹹蛋黃炸魚皮。首先一定要讚個炸魚皮，同新加坡名物差不多水準，惹味又香脆，一食就停唔到口。而同事推介嘅金湯，都好啱我口味，沒有酸辣嘅味蕾刺激，反而更食到米線、配料等嘅原味；湯頭香濃、入口順滑、淡淡嘅鮮味簡直可以當湯咁飲。 無火生滾石碢煲仔飯(雙併$75)餸就揀左鳳爪同潤腸，再加埋極品蟹皇湯煮飯底。上枱時，侍應連埋計時器奉上，叮囑小心熱及要聽到夠鐘先打開煲蓋。眼看煲內嘅蟹皇湯仍在飯面哺嚕哺嚕，有點懷疑到夠鐘一刻真係可以完全收乾晒?!邊食邊等，12分鐘後打開煲蓋，飯粒真係好乾身喎，聞到潤腸同飯嘅香味、又睇到因為蟹湯滲透而粒粒金黃嘅飯粒、第一啖入口更有淡淡嘅蟹鮮味，呢個色香味俱全嘅石碢飯真係好抵食。由上枱至食指開動，慢慢睇住個煲仔飯收乾水，開蓋、加葱、起動，每
先講碗自選石碢米線($102)，比起食一般嘅酸辣米線，呢度就更有特色、更多選擇。湯底就已經有8款選擇，仲有坊間少有嘅肉骨茶湯底。同事介紹一定要試吓個金湯，咁我緊係要俾面試吓啦。配料就揀左豆卜、肥牛、豬肚、花膠仔、鹹蛋黃炸魚皮。首先一定要讚個炸魚皮，同新加坡名物差不多水準，惹味又香脆，一食就停唔到口。而同事推介嘅金湯，都好啱我口味，沒有酸辣嘅味蕾刺激，反而更食到米線、配料等嘅原味；湯頭香濃、入口順滑、淡淡嘅鮮味簡直可以當湯咁飲。
無火生滾石碢煲仔飯(雙併$75)餸就揀左鳳爪同潤腸，再加埋極品蟹皇湯煮飯底。上枱時，侍應連埋計時器奉上，叮囑小心熱及要聽到夠鐘先打開煲蓋。眼看煲內嘅蟹皇湯仍在飯面哺嚕哺嚕，有點懷疑到夠鐘一刻真係可以完全收乾晒?!
邊食邊等，12分鐘後打開煲蓋，飯粒真係好乾身喎，聞到潤腸同飯嘅香味、又睇到因為蟹湯滲透而粒粒金黃嘅飯粒、第一啖入口更有淡淡嘅蟹鮮味，呢個色香味俱全嘅石碢飯真係好抵食。由上枱至食指開動，慢慢睇住個煲仔飯收乾水，開蓋、加葱、起動，每一個step都充滿儀式感，打卡啱晒。
小食
燒韭菜($19)最好食，燒得啱啱好、無渣，入口微辣帶鮮甜。豆腐皮($16)灑上辣粉，脆卜卜，口感唔錯。紅柳羊肉串($18)、雞軟骨($24)，味道ok，一試無妨。
餐飲(主食+特飲 $18)
特大桶裝凍檸樂， 小膠筒形嘅盛器非常特別，又係啱打卡；青桔話梅茶，一定要攪勻先好飲，青桔味濃郁，所以酸味較突出，食左咁多嘢，正好幫助消化。
整體而言，食物賣相非常有特色，無論係容器或擺盤都啱晒影相打卡。石碢飯同米線嘅味道都幾好，可以再食。餐廳有多種食物可選擇、酸搭自由，總可以併出啱心水嘅主食。最後環境光潔，坐得都幾舒服。
張貼
