影片
更多
2023-07-14
128 瀏覽
📆 探店行動：10/7/2023 | 星期一 | 2000 🕢 | 人數 2️⃣〰️〰️〰️今日黎葵芳，唔係去葵廣掃街，而係為隔離新都會入面嘅一隻"PIG"而黎。Suckling Pig 歐式脆皮乳豬，係"The Salted Pig"嘅signature dish，睇相似皮脆肉嫩，係值得我山長水遠黎食佢嘅感覺。黎到見到門口大大塊牌寫住逢星期一晚餐主菜單買一送一，2000hrs 唔駛等位直入，心裡暗爽 😆 人生大起大跌就係好快，坐低先知，Suckling Pig係主菜單以外嘅菜式 😐 係衡量單點1/4隻Suckling Pig要$298同買一送一嘅主菜單，我堅守我嘅信仰。2️⃣ 個人....主菜單.....嗌左：〰️〰️〰️🍖 Grilled Pork Tomahawk 燒斧頭豬扒 $260🔘 好。很。厚！4 - 5 cm嘅厚度，靚仔嘅燒網纹，勁吸睛！🔘 燒得到位，就係啱啱熟，切開仲有煙出果種。蓋肉軟嫩肉味濃有肉汁係基本款，連偏瘦嘅里脊肉都做到可以用餐刀輕鬆切開嘅軟𣺉，係喜出望外嘅質素。如果你係豬"騷"味嘅愛好者，你會失望。呢塊扒係對豬"騷"味敏感嘅朋友都會切多舊黎食嘅味道，點睇？🔘 塊扒本身已經係重量級
〰️〰️〰️
今日黎葵芳，唔係去葵廣掃街，而係為隔離新都會入面嘅一隻"PIG"而黎。Suckling Pig 歐式脆皮乳豬，係"The Salted Pig"嘅signature dish，睇相似皮脆肉嫩，係值得我山長水遠黎食佢嘅感覺。黎到見到門口大大塊牌寫住逢星期一晚餐主菜單買一送一，2000hrs 唔駛等位直入，心裡暗爽 😆 人生大起大跌就係好快，坐低先知，Suckling Pig係主菜單以外嘅菜式 😐 係衡量單點1/4隻Suckling Pig要$298同買一送一嘅主菜單，我堅守我嘅信仰。2️⃣ 個人....主菜單.....嗌左：
〰️〰️〰️
🍖 Grilled Pork Tomahawk 燒斧頭豬扒 $260
🔘 好。很。厚！4 - 5 cm嘅厚度，靚仔嘅燒網纹，勁吸睛！
🔘 燒得到位，就係啱啱熟，切開仲有煙出果種。蓋肉軟嫩肉味濃有肉汁係基本款，連偏瘦嘅里脊肉都做到可以用餐刀輕鬆切開嘅軟𣺉，係喜出望外嘅質素。如果你係豬"騷"味嘅愛好者，你會失望。呢塊扒係對豬"騷"味敏感嘅朋友都會切多舊黎食嘅味道，點睇？
🔘 塊扒本身已經係重量級，配埋薯條同椰菜仔，係夠兩個人食嘅份量。
🔘 現場所見幾乎每一枱都會嗌，有對男女仲要各自單挑一塊扒，大癲！
🍝 Chicken Forentine Orecchitte 香煎雞肉忌廉青醬貓耳朵粉 $178
🔘 雞胸肉做到鬆軟唔鞋口，但講真係比唔上低溫慢煮果種嫩滑多汁，貓耳朵煙韌有咬口，青醬味道清新唔嗆，係keep住食都唔會有負擔嘅味道。
🔘 係買一送一嘅設定下，全場唔係食牛扒就係西班牙海鮮飯，係得我嗌呢個"蝕本貨"。
〰️〰️〰️
🧱 環境空曠，乾淨整齊，卡位闊落坐得幾舒服。
💸 連Mango Pineapple ($68)，外賣盒($2) 同加一服務費，埋單$381 (人均$190)。
📋 今次嘅體驗 ，令我對佢個Suckling Pig更有期待， I WILL BE BACK!
〰️〰️〰️
⚠️ 重要嘅野要講三次：
星期一晚市主菜單買一送一啊！送一啊！一啊！
🪖 戴返頭盔先，味道會隨住廚師嘅心情同食材嘅質素可升可跌☻️ 以上嘅食評只代表我今次喺新都會店嘅體驗，唔排除你會有一個不一樣嘅感受👋🏻
張貼
