Domon 札幌拉麵 (已結業)

今晚去了扎幌拉麵土屋料理，位於銅鑼灣利舞台，之前已經跟同事食過一次午餐, 都唔錯, 而今晚就食豪D，叫左一個聞名己久的和牛拉面，哩個拉面都好真材實料，和牛比得上外高級餐廳既牛柳，湯底好濃郁，一上台就已經聞到好香，最好就係有好多筍同海帶，配料無馬虎，另外，叫左一客一口芝士，係佢地既人氣食品，一客有四粒，真係一粒一口，芝士味非常濃郁，鍾意食芝士的朋友一定唔可以錯過，另外又叫了一客三文魚刺身，新鮮肥美，好有口感， 而我朋友食既草菇拉面都唔錯，聽佢講都OK，佢話和牛拉面湯底好似香Ｄ，材料都多D，唔知係唔係多左D和牛所以香D。我地仲叫了海膽一板，無腥味，不俗！環境舒適，服務員服務態度十分好！一見我地無乜茶就黎加茶，真係抵比服務費呀！下次可以再試。