丼瀛 (已結業)

廟街除咗大排檔之外，有一間日式餐廳原來都好正，講緊嘅就係丼瀛🤤一入到鋪頭店員就好快手清潔枱面，上餐具同斟水，見我哋有選擇困難症就主動推介食物🙇🏻‍♀️呢份香桃蟹籽沙律份量相當驚人😱真係大到食唔哂呀😂食落每一啖都充滿着醬汁但又不失清新，口感爽脆，好適合做蝦米菜或者用嚟中和其他食物嘅油膩感三文魚腩刺身好厚切，油脂分布適中。咬落雖然唔係一瞬間係口腔入邊溶化，但魚油味依然好重，口感亦不俗☺️芝士年糕🤤我好鍾意食呢啲澱粉質😂外表酥脆，入面糯軟，甜甜地，再配埋芝士嘅鹹香，冇得輸！甘栗紫薯餅好好味！feel到佢冇加額外嘅糖，紫薯嘅味道較為出，但食到栗子嘅顆粒感☺️明太子雞翼燒到雞皮好脆，但入邊keep住juicy，雞肉嫩滑，同明太子係絕配藍鯨吞拿魚海膽爆丼果然名不虛傳，每樣配料都好充足。吞拿魚除咗厚切刺身之外仲有吞拿魚茸，真到暈。海膽冇怪味，幾鮮甜，口感creamy！份量都幾大，一個女仔實食唔哂🤣