悅香飯店 (已結業)

我見食評寫服務差，但我唔覺喎。我覺得佢地全部做左幾十年既叔伯軰，佢地唔係做得到對住客人笑，0個種機械人模式服務，但我感覺佢地好自然啦！但招呼我地個叔叔就幾ok呀。我同老公去食午餐，未試過呢間就試下啦！叫左滑旦蝦仁，豉油炒牛肉，生炒臘味糯米飯。本身諗住兩個人食三個菜都夠晒，不過見到隔離枱既"雞"好味，所以就再嗌多個例牌香妃雞。全部野都好好食，滑旦好滑，蝦仁又大又爽，牛肉嫩滑，生炒臘味飯好香，臘味好夠味，糯米飯唔會硬唔會"mook"，好得！原來都好多人order呢個糯米飯架喎。至於個香妃雞，真係好得！我老公食完第一個評語就係;"個雞真......係好得!" 先講皮-----脆, 皮與肉之間-----0者喱狀薄薄唔肥，肉------嫰滑。總體黎講份雞好得，唔肥，又唔會諧！咁樣食左四樣野都係二百六，都幾合理。但其實我地兩個人食既四樣野係可以四個人食既，個生炒飯都只係食左少少就要包起佢返屋企再食！我推介大家去食呢間老鋪呀！