影片
更多
2025-02-23
0 瀏覽
今日嚟咗元朗教育路食晚餐，呢一間之前都試過，不過主要係日頭經過黎買咖啡飲，晚餐就真係第一次喺度食嗱，想講啲野食都好高質，性價比高👍🏻👍🏻櫻花蝦泰式冬陰公椰香海鮮手工意大利麵上碟顏色擺盤幾靚，而且海鮮同配菜嘅份量充足，相比之下意粉份量唔算好多。海鮮都包括咗魷魚、青口、蝦同帶子等等，仲有啲蕃茄仔添。話明係泰式冬陰功椰香味，食落都真係有淡淡嘅冬陰功味道，配埋忌廉奶油嘅香味，我覺得西式得來又同呢個泰式配搭得幾夾。安格斯牛柳粒虎蝦芝麻燒肉汁手工義大利麵點菜嗰時我有要求牛柳粒要全熟，我以為全熟嘅話會比較乾同硬身啲，點知又唔會喎！而且牛柳粒都比較大件，食落仲有幾香嘅牛味，完全唔係嗰啲雪藏牛肉。手工意粉食落幾好味，面質係彈牙得黎又有少少軟糯嘅感覺，仲有蛋香，幾特別同好味！蜂蜜芥末雞翼小食揀咗一個雞翼，雞翼都幾大件，雖然表面有炸粉，但食落啲炸粉唔會係好厚實嘅。而且中間仲保留咗雞翼嘅肉汁，外皮酥脆，食落啖啖Juicy又好味！Cappuccino呢間餐廳嘅咖啡真係幾好飲㗎，所以夜麻麻都叫返杯Cappuccino👍🏻但其實佢夜晚仲有一啲Cocktail可以揀，不過下次再試啦！食完先發現原來佢晚餐有一個好抵嘅配
今日嚟咗元朗教育路食晚餐，呢一間之前都試過，不過主要係日頭經過黎買咖啡飲，晚餐就真係第一次喺度食嗱，想講啲野食都好高質，性價比高👍🏻👍🏻
櫻花蝦泰式冬陰公椰香海鮮手工意大利麵
上碟顏色擺盤幾靚，而且海鮮同配菜嘅份量充足，相比之下意粉份量唔算好多。海鮮都包括咗魷魚、青口、蝦同帶子等等，仲有啲蕃茄仔添。話明係泰式冬陰功椰香味，食落都真係有淡淡嘅冬陰功味道，配埋忌廉奶油嘅香味，我覺得西式得來又同呢個泰式配搭得幾夾。
安格斯牛柳粒虎蝦芝麻燒肉汁手工義大利麵
點菜嗰時我有要求牛柳粒要全熟，我以為全熟嘅話會比較乾同硬身啲，點知又唔會喎！而且牛柳粒都比較大件，食落仲有幾香嘅牛味，完全唔係嗰啲雪藏牛肉。手工意粉食落幾好味，面質係彈牙得黎又有少少軟糯嘅感覺，仲有蛋香，幾特別同好味！
蜂蜜芥末雞翼
小食揀咗一個雞翼，雞翼都幾大件，雖然表面有炸粉，但食落啲炸粉唔會係好厚實嘅。而且中間仲保留咗雞翼嘅肉汁，外皮酥脆，食落啖啖Juicy又好味！
Cappuccino
呢間餐廳嘅咖啡真係幾好飲㗎，所以夜麻麻都叫返杯Cappuccino👍🏻但其實佢夜晚仲有一啲Cocktail可以揀，不過下次再試啦！
食完先發現原來佢晚餐有一個好抵嘅配搭，就係叫左主菜可以優惠價約$58就可以有一個前菜、甜品同嘢飲！我見到隔籬枱前菜係大大舊蜜瓜加Parma Ham，真係蝕晒嗱。
張貼
