影片
更多
2015-01-28
629 瀏覽
臨飛前想飲多次中國茶、食多次中國點心，走到翠園看看，好多特別菜式，其他酒樓完全未見過，有驚喜！勁開心！但食完次後無晒表情囉。有原隻鮑魚糯米雞、鮑魚燒賣、鮑魚蛋撻、花膠瑤柱灌湯餃、燕窩蛋撻、龍蝦球腸粉，勁多高檔食材，全部都想試呀！因為只係早餐，唯有只係 order 幾個算喇。依個早餐就當跟家齊兄 farewell 飯啦，恭喜您脫苦海，搵到更好路數，一路好走！除左個名由美心閣轉做美心翠園外，內外都無變。鐵觀音，依個利害喇！茶錢連加一要 HKD50 蚊位，就睇吓您有幾好飲。唉，一般貨色，算了吧！是但搵間有名既潮州菜館都好過佢，一試無妨。東星斑魚餃，都好求其蒸完掉出黎喎，離晒譜。賣相未至於話好靚，但都可愛得意既。聞到陣陣魚味，大啖咬落去，厚厚既餃皮滑潺潺，口感好唔舒服。眼見餡料以蝦仁為主，見到有點點魚肉物體。味道一般，整體麻麻地，不要抱太大期望，試試還可以。甫魚滑燒賣，我最鍾意食燒賣，啖啖肉又豬肉香，見到個名咁有趣咪叫黎試吓囉。形狀好似 7-11 微波叮叮點心呢，長形高瘦好搞笑。成粒啪入口，蝦仁、豬肉、魚蓉混和，點解味道跟 7-11 叮叮燒賣一樣呢，只係多左陣魚肉味。您地唔係比即食點心我掛？川
臨飛前想飲多次中國茶、食多次中國點心，走到翠園看看，好多特別菜式，其他酒樓完全未見過，有驚喜！勁開心！但食完次後無晒表情囉。
有原隻鮑魚糯米雞、鮑魚燒賣、鮑魚蛋撻、花膠瑤柱灌湯餃、燕窩蛋撻、龍蝦球腸粉，勁多高檔食材，全部都想試呀！因為只係早餐，唯有只係 order 幾個算喇。
依個早餐就當跟家齊兄 farewell 飯啦，恭喜您脫苦海，搵到更好路數，一路好走！
除左個名由美心閣轉做美心翠園外，內外都無變。
鐵觀音，依個利害喇！茶錢連加一要 HKD50 蚊位，就睇吓您有幾好飲。唉，一般貨色，算了吧！是但搵間有名既潮州菜館都好過佢，一試無妨。
東星斑魚餃，都好求其蒸完掉出黎喎，離晒譜。賣相未至於話好靚，但都可愛得意既。聞到陣陣魚味，大啖咬落去，厚厚既餃皮滑潺潺，口感好唔舒服。眼見餡料以蝦仁為主，見到有點點魚肉物體。味道一般，整體麻麻地，不要抱太大期望，試試還可以。
甫魚滑燒賣，我最鍾意食燒賣，啖啖肉又豬肉香，見到個名咁有趣咪叫黎試吓囉。形狀好似 7-11 微波叮叮點心呢，長形高瘦好搞笑。成粒啪入口，蝦仁、豬肉、魚蓉混和，點解味道跟 7-11 叮叮燒賣一樣呢，只係多左陣魚肉味。您地唔係比即食點心我掛？
川芎白芷魚頭湯，一見到即 order，開心死！姐姐話要等廿分鐘，仲有時間，好！黎喇，半點煙也沒有，我即時滴汗。試一啖，微暖淡淡稀稀的魚湯，毫無火喉可言，藥材味很削，不香不甜，十足用粉開既杯杯湯囉，失望。魚頭魚雲尚算多肉嫩滑，魚味淡又唔香，而且無煎過喎，煎完煲湯先會香口好味架麻。
招牌龍蝦餃皇，很有趣！HKD68 蚊隻，睇您比啲咩我。雖然預左係淡水龍蝦，不過無所謂。嘩！巨型蝦餃有我掌心咁大，其實同灌湯餃差不多 size 啫。
招牌龍蝦餃皇，溫度又係微暖，完全無新鮮出爐、熱辣辣既感覺，真係得啖笑！撐大個咀，大啖咬落去，餡料有少量淡水龍蝦肉，非常爽口結實，但係無味架呢。仲有蝦仁同筍粒，餃皮厚厚的。結論係不試也罷！又唔熱、又無味、皮又厚。如果新鮮蒸起都會好少少，可能配個醬或加個汁會有得救既。
4 樣野差不多四百蚊又唔好食，早知去食出前一丁啦！
張貼
