影片
更多
2017-09-02
155 瀏覽
同人嚟到銅鑼灣嘅金羅寶韓國料理，餐廳係晌金百利廣場入面，呢度都有唔少食肆。佢係間比較傳統嘅韓國菜，已經開咗幾多年，不過今次係第一次嚟試。同大部份韓國菜一樣，呢度係有嵌入式嘅燒烤爐，同埋係有燒肉嘅。午市時段嘅套餐定價七十幾至百幾左右，選擇仲幾多。叫完嘢食之後，侍應就拎咗一堆餐前涼菜嚟，泡菜、馬鈴薯、銀魚仔乾、青瓜、蓮藕、菠菜大豆芽、魷魚絲、四季豆，就咁睇都覺得豐富。每次食韓國菜都最期待色彩繽紛嘅餐前涼菜，除咗可以增加蔬菜攝取量之外，又可以解膩，不過新派嘅韓國菜就反而無咁多款式喇。每份午餐都包一碗湯，當日湯入面有牛肉、蘿蔔同胡蘿蔔，飲起嚟清清甜甜。鐵板烤豬頸肉，口感爽嫩，調味足夠唔過重，只係多油咗少少。辣泡菜餅，煎餅粉漿唔過厚又唔過薄，入面仲有唔少泡菜粒，食起嚟外脆內軟。可以點埋佢個特製嘅醬汁嚟食，表現唔錯。牛肉石鍋雜錦飯，燒紅咗嘅石鍋入面有牛肉、大豆芽、菠菜、胡蘿蔔、冬菇、煎蛋、紫菜同米飯，侍應晌我哋面前加埋韓式辣醬之後就將佢哋撈勻。每口飯都有配料跟埋一齊食，近石鍋邊位仲有脆脆嘅飯焦。我哋仲加多咗份調味牛肋骨肉，份量比想像中多。將牛肋骨肉放晌燒烤爐上面燒，肉質軟嫩。最後嘅甜品係紅棗茶，紅
同人嚟到銅鑼灣嘅金羅寶韓國料理，餐廳係晌金百利廣場入面，呢度都有唔少食肆。
佢係間比較傳統嘅韓國菜，已經開咗幾多年，不過今次係第一次嚟試。
同大部份韓國菜一樣，呢度係有嵌入式嘅燒烤爐，同埋係有燒肉嘅。
午市時段嘅套餐定價七十幾至百幾左右，選擇仲幾多。
餐前涼菜
18 瀏覽
0 讚好
0 留言
叫完嘢食之後，侍應就拎咗一堆餐前涼菜嚟，泡菜、馬鈴薯、銀魚仔乾、青瓜、蓮藕、菠菜大豆芽、魷魚絲、四季豆，就咁睇都覺得豐富。每次食韓國菜都最期待色彩繽紛嘅餐前涼菜，除咗可以增加蔬菜攝取量之外，又可以解膩，不過新派嘅韓國菜就反而無咁多款式喇。
每份午餐都包一碗湯，當日湯入面有牛肉、蘿蔔同胡蘿蔔，飲起嚟清清甜甜。
鐵板烤豬頸肉，口感爽嫩，調味足夠唔過重，只係多油咗少少。
辣泡菜餅
16 瀏覽
0 讚好
0 留言
辣泡菜餅，煎餅粉漿唔過厚又唔過薄，入面仲有唔少泡菜粒，食起嚟外脆內軟。
可以點埋佢個特製嘅醬汁嚟食，表現唔錯。
牛肉石鍋雜錦飯
13 瀏覽
0 讚好
0 留言
牛肉石鍋雜錦飯，燒紅咗嘅石鍋入面有牛肉、大豆芽、菠菜、胡蘿蔔、冬菇、煎蛋、紫菜同米飯，侍應晌我哋面前加埋韓式辣醬之後就將佢哋撈勻。
牛肉石鍋雜錦飯
20 瀏覽
0 讚好
0 留言
每口飯都有配料跟埋一齊食，近石鍋邊位仲有脆脆嘅飯焦。
我哋仲加多咗份調味牛肋骨肉，份量比想像中多。
將牛肋骨肉放晌燒烤爐上面燒，肉質軟嫩。
紅棗茶
14 瀏覽
0 讚好
0 留言
最後嘅甜品係紅棗茶，紅棗味香甜，感覺養生。
呢次試嘅午餐一份先八十幾左右，但係份量就唔少，以銅鑼灣區嚟講都幾抵食。
張貼
