金記冰室 (Two Harbour Square)

營業中

休息中

上班同事每天差不多到午膳時間便喜歡用手機apps訂外賣，許多選擇中，他們偏愛《金記》這間地道餐廳。自己帶開飯，好少食外賣，今日做到好晏又唔想出街食，老公提議金記外賣，贊成！這餐廳有自家製麵包，可惜蛋撻已經賣曬，下次一定要試。海南雞飯~賣相已經好吸引，這個餐包一碗西洋菜中湯，海南雞皮香肉滑，件件有肉，油飯唔算油，都好香。乾炒牛河~外賣返到屋企都唔覺得肥膩，炒得好好食，好香口，牛肉醃得夠味且淋，河粉唔會炒到一叠叠，清楚分開一條條，師傅炒得好好。沙爹牛肉軍艦~體積不小，果真大大隻似軍艦，難得茶記有這個地道美食，梗係要試下啦。沙嗲微辣，洋蔥加牛肉，好懷念這個兒時吃到的味道。返工辛苦，夜了放工，十萬個不願煮的原因，金記外賣是不錯之選......都有幾款晚餐選擇，包飲品。