Truefit Deli

營業中

休息中

喺金鐘食早餐，呢間小店係我嘅首選。環境舒服，有位置可以坐低用餐，處理食物嘅位置亦非常乾淨整潔，令人感覺非常放心食物選擇方面，非常有彈性，可以選擇自己鍾意嘅肉類、米飯、配菜、醬汁等等，基本上日日食都唔會覺得厭！配上唔同嘅醬汁，成個感覺都可以好唔同！下單之後，就可以睇住職員眼明手快地製作。每個卷餅都非常巨型，材料好多烤雞腿（手撕）+菠菜飯+所有配菜+蒜香蛋黃醬烤雞腿味道唔會好重，整體味道比較想像中清新清淡。可以要晒所有配菜，所以成個卷非常充實，口感好豐富我自己最鍾意，就係吞拿魚！本身吞拿魚已經有好多沙律醬混和左一齊，味道更加突出更加滋味！中size都非常巨型，女仔食完應該都會好飽，嘆埋杯咖啡，咁就係一個非常滿足嘅早餐！