一芳台灣水果茶 (已結業)

一芳水果茶喺香港評價都幾參差，我地兩個只係喺香港飲過水果茶同鳳梨綠，覺得同台灣嘅差異不大，亦都幾鐘意。飲過三、四間一芳，當中以荃灣店水準最穩定，所以好多時食完飯我地都會過黎飲番杯。飲料店位於荃新天地一期，前後黎過好多次都不見人龍，買得輕鬆，店員亦有禮。餐牌供應原茶、調味茶、果茶、鮮奶茶、黑糖粉圓系列等，分中/大杯，兩者相差3蚊，以大杯為例，飲料定價$20-33，一般手搖杯都係咁上下價錢。如果有飲開，唔會覺得特別貴，當然亦都唔能夠同台灣價比較；但如果平時冇飲開，可能會覺得飲杯野三十幾蚊係痴線金鑽鳳梨綠 $24/M；$27/L提提你，一芳嘅果茶係唔能夠點全糖，因為我覺得會糖尿。因為鳳梨肉本身有少許甜度，點微微糖就足夠。冰量方面，一芳嘅冰都幾重手，如果正常冰，隨時超過大半杯，所以我會點少冰。鐘意一芳嘅鳳梨綠當然有原因，相對其他茶飲店，佢地嘅出品係冇真鳳梨味同鳳梨肉，雖然份量就唔多。唔好期待果茶會有好重茶味，起碼飲得出係有，基本上我首選鳳梨綠，係間中先會點水果茶。