影片
更多
2017-08-24
373 瀏覽
以九龍城寨之名開的一間中式酒家, 九十後出生的小朋友們, 一定未去過九龍城寨吧, 無緊要, 城寨拆了..., 可以去城寨酒家..., 夠無聊吧...。九龍城寨, 曾經是清朝政府的外飛地, 甚麼是外飛地..? 現在最多人識既外飛地, 首選應該係"直布羅陀", 她由18世紀開始就是英國的外飛地...。樓上雅座, 樓梯口對住..., 一張CCTVB的大劇照, 可以用嚟宣傳, 點可以錯過....即燒脆皮香豬, 望個樣... 就知道好正! 皮夠薄, 十分脆, 皮與肉的中間脂肪部份, 學足美容中心成日講既"抽脂", 已被抽走九成半..., 加點乳豬醬, 可惜無砂糖, 整件入口, 其實, 我可以食晒成碟..., 可惜, 同檯, 有人戒食牛, 但無人係戒食豬..., 又其實, 戒得食牛肉, 就應該戒埋食豬肉啦..., 豈有此理, 根本係歧視! 放上檯, 好驚嚇吓喎...., 雞頭對住我, 仿佛向我申冤..., 嗱 嗱..., 唔關我事架, 呢味餸, 唔係我叫, 我係被迫食咋..., 看餐牌, 有一味"鳳舞手撕雞", 估計應該不是這個款, 但又搵唔到似樣既名, 鷂......, 求其啦... 雞肉已經拆
以九龍城寨之名開的一間中式酒家, 九十後出生的小朋友們, 一定未去過九龍城寨吧, 無緊要, 城寨拆了..., 可以去城寨酒家..., 夠無聊吧...。
九龍城寨, 曾經是清朝政府的外飛地, 甚麼是外飛地..? 現在最多人識既外飛地, 首選應該係"直布羅陀", 她由18世紀開始就是英國的外飛地...。樓上雅座, 樓梯口對住..., 一張CCTVB的大劇照, 可以用嚟宣傳, 點可以錯過....
即燒脆皮香豬, 望個樣... 就知道好正! 皮夠薄, 十分脆, 皮與肉的中間脂肪部份, 學足美容中心成日講既"抽脂", 已被抽走九成半..., 加點乳豬醬, 可惜無砂糖, 整件入口, 其實, 我可以食晒成碟..., 可惜, 同檯, 有人戒食牛, 但無人係戒食豬..., 又其實, 戒得食牛肉, 就應該戒埋食豬肉啦..., 豈有此理, 根本係歧視! 
放上檯, 好驚嚇吓喎...., 雞頭對住我, 仿佛向我申冤..., 嗱 嗱..., 唔關我事架, 呢味餸, 唔係我叫, 我係被迫食咋..., 看餐牌, 有一味"鳳舞手撕雞", 估計應該不是這個款, 但又搵唔到似樣既名, 鷂......, 求其啦... 
雞肉已經拆骨, 雞皮厚度尚算適中, 可以連肉一起入口, 也不會有肥膩感覺, 還有些少爽口, 配套方面, 應真有創意, 正常貨色的, 有海蜇、木耳、青瓜絲、黃綠椒絲特, 神奇之處, 還放埋酸薑、皮蛋, 真係...唔該... 專家們講兩句, 到底係咩味覺既配搭...?
城寨石鍋 $62, 應該是近期才推出的新菜色, 沒有印在餐牌, 只貼在檯面的推介小牌上, 有四款, 分別是 石鍋海參、石鍋鮑魚、石鍋花膠、石鍋魚翅. So..., 一聽到"魚翅", 個個耍手兼拎頭..., 我...? 最愛... 當然係海參和鮑魚啦, 如果只可揀一樣的話, 鮑魚食得太多了, 有些悶..., 就要"海參"啦.., 哈哈哈....
隔離位靚女, 揀了石鍋鮑魚, 靚女見我不斷望住佢..., so..., 其實我並不是望住佢, 我只係望住盅"石鍋鮑魚", 我問佢: "好唔好食?" 佢答我:"... 比D你試吓啦.." , 於是切了一片鮑魚小角給我, 實在感動了... 我眼泛淚光地... 把這小片鮑魚吞下..., 實在太...... 彈牙了...。
黑白胡椒焗蟹, 很大的砂鍋, 上檯時還滋滋的響, 滋滋的煙霧阻礙了拍照, 等一陣... 煙散後, 清楚看到, 大蟹底部, 還有烏冬, 胡椒味道, 未去到攻鼻級數, 但都十分濃烈, 反而辣味極輕. 
新加坡胡椒蟹吃得多, 這味焗蟹有點不同, 黑白胡椒炒出來的味道夠香, 還加了醬油之類來調味, 整體味道很濃, 微辣中...還帶有點甜味, 用來送麵或烏東最啱.
唔講出嚟, 班女士肯定以為係...紅燒豬軟骨, 如果閣下在股海浮沉多士, 最憎係股市大鱷..., 咁呢味餸 一定啱晒你..., 係咩嘢..?? 未就係 姑姑燜大鱷囉... (我作咋... ) btw... 好強勁既骨膠原口感...
菜名好特別, 名為"金柱鄉下仔炒芽菜", 金柱, 應該是炸香了的乾瑤柱絲吧..., 鋪上面, 十分鮮艷的橙紅色那堆碎絲, 下面其實就是芽菜炒米粉, 非常平價的菜色, 但要炒得好味 也不易, 尤其是炒米粉, 要炒得香口, 又不油膩, 絕對考廚師功力.
張貼
