釜之魂釜飯專門店 (淘大商場) (已結業)

落雨濕濕，同朋友係九龍灣買完野就食晚餐，四圍睇左一陣，最後朋友揀左黎哩度食鰻魚飯，哩度鰻魚飯有分金魂同銀魂兩種燒法(即汁燒同白燒)，仲有三個唔同部位比客人選擇，最後朋友選擇叫魚尾位置，加$18可以有埋飲品、麵豉湯和前菜，我就要了個蕃茄牛肉稻庭烏冬，另外見到沖繩苦瓜餃子都幾特別同平時少食到，一於叫埋先。套餐的前菜係醃泡菜，當中有大豆芽、紅蘿蔔絲和炸菜，甜甜辣辣，食到好開胃，我的蕃茄牛肉稻庭烏冬送到了，先飲一口湯底，湯很結身，濃濃的蕃茄味道中帶小小微辣，稻庭烏冬比較扁身的，與平時所見到的一般烏冬唔同，口感滑Du Du，浸耐左都唔會湖，肥牛既份量都算多仲有些蔬菜配搭。沖繩苦瓜餃子: 外皮煎到金黃色，一咬落去巳食到苦瓜既味道。朋友期待的金魂到了，朋友急不及待起筷享用，他邊吃邊說鰻魚咬落肉質好鬆脆香滑，不油不膩，廚師烹飪火候控制得很好 ，所以先會令到皮與肉之間的脂肪沒有被燒乾餐廳的佈置光猛寛落，四圍都掛了招牌食物的相片，令人增加食慾，仲有些攪笑卡通棒棒，比喜歡拍照的人拎黎影下相增添氣氛。