金鶴拉麵 (荷李活道) (已結業)

今日同fd路過中環嘅金鶴拉麵，突然有啲肚餓，咁就出於安全起見諗住買兜外賣返去食。係門口等外賣，留意到入面個場都坐得幾爆，心諗好彩無堂食。我地嗌左兩個拉麵一個小食，分別係京都抹茶雞白湯拉麵，另一個係史上極濃雞白湯拉麵，小食就循例嗌左我最愛嘅日式煎餃。為左避免啲麵會淋，好貼心地幫我地分左湯～上到去當然就開始食指大動啦。打開個盒就聞到陣好香好濃郁嘅拉麵高湯香味，令我地忍唔住全部打開，然後迫不及待咁倒啲湯落去碗麵度，我嗰碗抹茶拉麵原來真係有陣抹茶味㗎，同雞湯又非常夾，令人忍唔住一飲再飲。碗湯食得出係用雞熬煮，非常鮮美。抹茶雞湯嘅比例對我而言啱啱好，唔會太鹹，非常適合健康人士～再講下另一碗本身就係招牌嘅極濃雞白湯拉麵啦，呢碗我試過之後都認為係有驚喜嘅，覺得食落好夠味，如果食開濃味嘅人應該會好鍾意，雞湯嘅濃郁配埋爽滑拉麵簡直一絕！啲麵質係固定嘅，不過不失，軟硬適中咁，比起麵我更加鍾意拉麵啲湯底。叉燒煮得稍淋，糖心蛋都煮得啱啱好。煮麵煮得唔hea，麵同湯底結合，夠用心，我鍾意。另外仲有個日式煎餃值得一提，本身以為擺左一陣凍左會唔好食，但呢間令我發現原來凍左嘅煎餃都可以好香脆，睇黎下次去可以再enco