影片
更多
2024-04-26
26 瀏覽
來自釜山既人氣韓式烤肉유명진의 육미정담 肉味情談登陸AIRSIDE！同朋友初訪呢一間過江龍，座位闊落舒服，仲有超強抽風系統，唔怕食到成身煙味🙆🏻♀️值得一讚既係店員服務好周到，代燒時非常用心，每一塊都好好味🥰🔸韓式前菜店員會先上一系列前菜及醬汁，除咗傳統泡菜同醃蘿蔔仲有幼滑南瓜蓉，款式夠哂多！店員會同時預備爐邊既芝士粟米同泡菜雞蛋，食完唔夠仲可以添加😍🔸一級五花肉梅花肉拼盤由兩款一級豬肉組成既拼盤，份量多到嚇一跳！五花肉油花同瘦肉平衡剛剛好，入口油香四溢；梅花肉比五花肉油份較少但肉味濃郁，更加突顯豬肉本身高質素。燒好之後可以沾上附送的芥末溝大醬，輕微辣勁令豬肉味道更豐富！🔸壺漬大牛肋骨超級長既牛肋骨，要企起身先拉得直！牛肉醃得非常入味，店員燒既時候會細心剪成一塊塊燒，受熱均勻令口感軟嫩，牛肉香同醬油味道均衡，大推🏅🔸辣炒年糕炒年糕裡面加有魚餅，等緊燒肉時正好可以一嚐韓式經典風味🔸烤香蕉配朱古力肉桂粉，焦糖布甸香甜烤香蕉配朱古力醬同肉桂粉隨喜好添加，仲有幼滑焦糖布甸，可以一解膩感！
同朋友初訪呢一間過江龍，座位闊落舒服，仲有超強抽風系統，唔怕食到成身煙味🙆🏻♀️值得一讚既係店員服務好周到，代燒時非常用心，每一塊都好好味🥰
🔸韓式前菜
店員會先上一系列前菜及醬汁，除咗傳統泡菜同醃蘿蔔仲有幼滑南瓜蓉，款式夠哂多！店員會同時預備爐邊既芝士粟米同泡菜雞蛋，食完唔夠仲可以添加😍
🔸一級五花肉梅花肉拼盤
由兩款一級豬肉組成既拼盤，份量多到嚇一跳！五花肉油花同瘦肉平衡剛剛好，入口油香四溢；梅花肉比五花肉油份較少但肉味濃郁，更加突顯豬肉本身高質素。燒好之後可以沾上附送的芥末溝大醬，輕微辣勁令豬肉味道更豐富！
🔸壺漬大牛肋骨
超級長既牛肋骨，要企起身先拉得直！牛肉醃得非常入味，店員燒既時候會細心剪成一塊塊燒，受熱均勻令口感軟嫩，牛肉香同醬油味道均衡，大推🏅
🔸辣炒年糕
炒年糕裡面加有魚餅，等緊燒肉時正好可以一嚐韓式經典風味
🔸烤香蕉配朱古力肉桂粉，焦糖布甸
香甜烤香蕉配朱古力醬同肉桂粉隨喜好添加，仲有幼滑焦糖布甸，可以一解膩感！
張貼
