鉄人大盛 (已結業)

唔講唔知，原來係格蘭中心都有放題食，以鉄板燒為主題，甚有gimmick，$328/位，19:30前埋單和21:30后入座都有9折。店內分兩part，一邊有鉄板師傅和長枱圍住師傅，另一邊座位only，今晚已爆booking，無緣坐師傅枱，飲恨……師傅們都穿上制服打呔，兩手攞住"架餐"，好有工架咁。牡丹蝦好新鮮，超大隻，yummy。仲放住陣陣輕煙，估唔到buffet都咁有台型。食住刺身做前菜先，油甘魚、拖羅、帶子、螺片、甜蝦、赤貝，任食唔嬲，螺片不錯。食完刺身食鉄板燒，果然出色，燒雞翼很入味，色香味俱全，外脆內軟，而且開得很好，方便客人吃。燒牛舌很Q彈，不吃不可。帶子、螺肉刺身屬re-order之選。左口魚裙邊寿司肥美至極。汁燒一口牛加炸蒜，既香口，又嫩口，必點！鉄板羊架也是羊迷不可錯過的！吃完肉肉，可以吃吃炒野菜中和一下，燒菠蘿、杏鮑菇、翠肉瓜、紫薯，有烤香，又不失水份。汽水任飲，haagen dazs 也有6款，咖啡、香蕉、朱古力、草莓、vanilla、cookie n cream，吃到飽，吃到爽。