海天花園酒家

營業中

休息中

今朝去海天花園酒家飲早茶，嗌左以下點心：家鄉銀針粉同埋紅米雞包仔。家鄉銀針粉好油。撇除油，係有鑊氣嘅。但真係太多油，成個口都係油。希望會改善。份量都幾多，我同兩個朋友食都夠分。紅米雞包仔有三嚿，我地三個人食啱啱好一人一嚿。個包都幾大個。想試呢個點心好耐，今日終於嗌左。雖然味道同普通雞包仔一樣，但純粹係貪佢個包係用紅米整，好似好健康咁(雖然唔知係咪真係用紅米整)。上枱夠熱，包係軟熟嘅。餡料有菇，都足料，有d薑味。