影片
更多
2024-08-12
236 瀏覽
難得老闆放大假終於可以休息下，星期五晚放工約左朋友去左呢間位於銅鑼灣L Square既牡蠣小屋食返餐好既慶祝下🌟螢光魷魚沖漬 ($48)前菜我地叫左螢光魷魚沖漬，飽滿多膏，口感鮮嫩，鮮甜且有海水味🌟和牛卡爾帕喬 ($148)手切和牛片上面淋上橄欖油同意大利黑醋，連埋下面既洋蔥同上面既蔥花一齊食，味道酸酸清甜又醒胃🌟鐵盒燒生蠔 ($240)加拉克萊特芝士 ($43/3隻)幾乎每枱都必點既鐵盒燒生蠔，店員即席燒到剛剛熟，蠔身肥美多汁，另外我地加錢試多一個口味，店員拎住一大舊熱溶左既拉克萊特芝士，淋上三隻熟蠔上面，一次過試哂兩個口味，正呀🤤🌟山芋明太子鐵板燒 ($78)店員推介我地試下呢款山芋明太子鐵板燒，燒熱左既鐵板上有口感煙韌既八爪魚粒，淮山的清甜味配上明太子的鹹香味，拌勻蛋黃一齊食，口感層次非常豐富🌟白薑醋鯖魚昆布卷 ($98)食完濃味既山芋明太子鐵板燒之後，店員送上呢碟白薑醋鯖魚昆布卷，用昆布包住酸薑、蔥同醋鯖魚，口感清新又開胃🌟美國安格斯牛扒 ($198)燒物方面我地揀左網燒安格斯牛扒，牛扒燒至五成熟，粉嫩既牛肉依然保持到juicy既口感，配上自製既牛扒汁，別有一番風味🌟串燒雞腎
難得老闆放大假終於可以休息下，星期五晚放工約左朋友去左呢間位於銅鑼灣L Square既牡蠣小屋食返餐好既慶祝下
🌟螢光魷魚沖漬 ($48)
前菜我地叫左螢光魷魚沖漬，飽滿多膏，口感鮮嫩，鮮甜且有海水味
🌟和牛卡爾帕喬 ($148)
手切和牛片上面淋上橄欖油同意大利黑醋，連埋下面既洋蔥同上面既蔥花一齊食，味道酸酸清甜又醒胃
🌟鐵盒燒生蠔 ($240)
加拉克萊特芝士 ($43/3隻)
幾乎每枱都必點既鐵盒燒生蠔，店員即席燒到剛剛熟，蠔身肥美多汁，另外我地加錢試多一個口味，店員拎住一大舊熱溶左既拉克萊特芝士，淋上三隻熟蠔上面，一次過試哂兩個口味，正呀🤤
🌟山芋明太子鐵板燒 ($78)
店員推介我地試下呢款山芋明太子鐵板燒，燒熱左既鐵板上有口感煙韌既八爪魚粒，淮山的清甜味配上明太子的鹹香味，拌勻蛋黃一齊食，口感層次非常豐富
🌟白薑醋鯖魚昆布卷 ($98)
食完濃味既山芋明太子鐵板燒之後，店員送上呢碟白薑醋鯖魚昆布卷，用昆布包住酸薑、蔥同醋鯖魚，口感清新又開胃
🌟美國安格斯牛扒 ($198)
燒物方面我地揀左網燒安格斯牛扒，牛扒燒至五成熟，粉嫩既牛肉依然保持到juicy既口感，配上自製既牛扒汁，別有一番風味
🌟串燒
雞腎 ($38)
日本雞翼 ($38)
牡犡五花肉卷 ($38)
牡犡雞翼 ($68)
串燒方面我就揀左兩款同蠔有關既串燒，包括牡犡五花肉卷同牡犡雞翼，其他餐廳比較少見，將蠔肉釀入雞翼又幾好食
張貼
