반찬앤쿡 Banchan and Cook (時代廣場) (已結業)

今日放工同朋友黎到位於銅鑼灣既哩間韓國菜餐廳。餐廳環境寬敞，走木系無印風，入面既位置放上唔少乾花作裝飾。有一點要提提大家，餐廳經常大排長龍，如果想黎食又唔想排隊既話，要盡量6點前到。餐牌上面既選擇非常多～🔸炸芝士豬扒忌廉年糕 $105豬扒外皮炸得香脆，中間係有個小坑，入面放左滿滿既芝士，芝士係半溶狀態，底下既忌廉年糕口感軟糯creamy。🔸牛肝菌蛋包飯 $102蛋包飯輕輕一切開，就見到啲流心滑蛋，雞蛋既火候掌握得啱啱好，入口嫩滑，入面係白飯底，如果改做炒飯底會更佳，旁邊有唔少牛肝菌，配埋蛋包飯一齊食相當唔錯。🔸慢煮羊膝配薯條 $165慢煮羊膝大大舊，肉質軟腍吾會羶，亦相當入味，配有粗薯條及茄汁。🔸玫瑰醬無骨炸雞（半份）$108玫瑰醬味道濃郁微辣，炸雞炸皮唔會好厚，亦一啲都唔會乾，仲配有薯條同年糕。🧇韓式雜莓牛角包窩夫 $72牛角包窩夫有驚喜❗️超鍾意個窩夫係牛角包嗰種酥脆嘅質感，只係淋上蜜糖，蘸上旁邊既cream已經好好食，仲配有藍莓、士多啤梨同紅桑子。🍹盛夏冰爽西瓜檸檬梳打$48🍹夏至士多啤梨香蕉乳酷$48西瓜檸檬梳打酸酸甜甜，香蕉乳酪味道清新，兩杯都好啱夏天飲。