金羅寶韓國料理

營業中

休息中

呢間韓國餐廳已經喺香港開咗超過廿年，餐廳裝潢走傳統路線，座位非常寬敞，坐得都幾舒服；一打開menu睇到眼花撩亂，有勁多唔同款式嘅韓國傳統菜式，菜式啲圖幅幅睇落都好吸引，簡食咩都諗咗勁耐。🥢前菜一點完菜，侍應好快就上咗好多碟前菜，每一樣嘅分量都好多，特別係泡菜，食前菜都會食到好飽肚。咁多款前菜入面，個人比較推介醬燒馬鈴薯同涼拌魚餅。🥩烤牛肋骨肉 👍👍呢個真係必食，每一舊牛肋骨肉烤完之後，食落帶有濃厚嘅牛肉香味，充滿肉汁，即使唔小心烤耐咗，肉質依然都係好嫩滑，值得一讚係餐廳嘅抽氣系統做得幾好，燒完肉之後個身都無咩油煙味。🐚涼拌螺肉拼冷麵呢個菜式好岩鐘意食辣嘅朋友，每一舊海螺都沾滿辣醬，味道都幾新鮮，口感煙韌，份量都好多，食極都仲有好多舊；冷面嘅口感非常彈牙，食之前要先用較剪剪開一半，就咁用筷子好難將面條分開，好岩配埋辣醬一齊食，一冷一熱。🍲辣泡菜湯 👍雖然泡菜湯嘅顏色非常紅，但味道比想像中無咁辣，配料亦都好多，有豬肉片、豆腐，仲有洋蔥同泡菜，味道辣中帶少酸，味道好開胃。🍧甜品食到最尾，餐廳仲會送甜品，有紅棗茶同雪糕簡，雪糕仲有得簡曲奇同咖啡味，最尾簡咗曲奇味。