影片
更多
2024-04-24
197 瀏覽
三原 (Teppanyaki Mihara Goten) 嘅總廚同師傅都係來自日本，搬過嚟銅鑼灣 Cubus 之前係將軍澳都開咗業幾年，而家地點更方便，而配合業務發展同層仲開左 whisky bar，聽講可以為每個客戶炮製出獨一無二嘅 cocktail ，食完飯去飲返杯都幾正！ 餐廳幾有日本古典風，講返今餐係割烹式鐵板燒午餐，價錢算合理 ($480-$780)，整體用餐體驗唔錯。➽季節沙律：新鮮嘅蔬菜配上自家製嘅沙律醬，帶有清爽嘅口感，好開胃➽蟹肉茶碗蒸：低溫蒸煮15分鐘，滑蛋蟹肉同蟹籽淋上鮮美嘅海鮮芡汁，質地相當滑嫩➽北海道帶子：加上麵糰炸至脆口嘅帶子，搭配自家製嘅酸甜醬汁同三文魚籽，口感豐富而帶來飽滿感。➽黑鱈鱼：魚肉本身就好嫩滑而再將魚皮煎至香脆，配上紫菜同牛油汁，略有風味亦帶出魚既鮮。➽薄燒牛肉：以A4級宮崎和牛薄片輕輕燒一下，入口又嫩又香又滑，唔會太膩，牛肉汁配日本蛋黃，更滑更濃郁➽日式炒飯 & 赤出汁：炒飯配上香氣撲鼻嘅牛脂，湯物赤出汁以香菇同海帶引出清新鮮味➽自家製紅豆雪糕：香滑紅豆同奶香嘅雪糕，令呢一餐更完滿
➽季節沙律：新鮮嘅蔬菜配上自家製嘅沙律醬，帶有清爽嘅口感，好開胃
➽蟹肉茶碗蒸：低溫蒸煮15分鐘，滑蛋蟹肉同蟹籽淋上鮮美嘅海鮮芡汁，質地相當滑嫩
➽北海道帶子：加上麵糰炸至脆口嘅帶子，搭配自家製嘅酸甜醬汁同三文魚籽，口感豐富而帶來飽滿感。
➽黑鱈鱼：魚肉本身就好嫩滑而再將魚皮煎至香脆，配上紫菜同牛油汁，略有風味亦帶出魚既鮮。
➽薄燒牛肉：以A4級宮崎和牛薄片輕輕燒一下，入口又嫩又香又滑，唔會太膩，牛肉汁配日本蛋黃，更滑更濃郁
➽日式炒飯 & 赤出汁：炒飯配上香氣撲鼻嘅牛脂，湯物赤出汁以香菇同海帶引出清新鮮味
➽自家製紅豆雪糕：香滑紅豆同奶香嘅雪糕，令呢一餐更完滿
張貼
