串燒王 (登龍街)

營業中

休息中

銅鑼灣即叫即燒嘢味串燒店 一向好鍾意食串燒嘅成日聽朋友講呢間串燒好好食專登約左朋友去登龍街試下。 我好中意食燒茄子所以點了一碟蒜燒茄子一定無得輸蒜蓉好入味茄子燒得好軟滑啲汁鎖死哂喺入面真係一流。另外點了一份麻辣海蜇冷盤，海蜇好爽口彈牙入味，可以用來當作串燒之間的過冷河也不為過。鹽燒白鱔魚，我最愛之一。肉汁好多，唔會好乾又爽口，好好味。五花腩肉串，肉質口感鬆化，香口肉冧又滑但唔會油膩。阿拉伯羊肉串，惹味肉冧肉滑，香口加上淡淡嘅酥味，真係流晒口水。免治雞肉棒，雞肉飽滿啖啖肉，而且加左雞軟骨一齊整好有咬口。 食串燒當然唔少得beer一beer啦，啤酒好抵飲仲要買一送一，啤酒配串燒簡直係無敵。 想同朋友慢慢食下飯，傾計，呢度真係值得推介。